Talit
De Wikipedia
El talit (en ivrit טלית) es un aksesorio relijioso djudio en forma de shal uzado por los ombres para meldar.
El su orijen viene de la lektura bíblika en el kualo Dio avló a Moshe diziendo:
- «Avla a los ijos de Yisrael i deziles ke se agan flekos en los vuelos de los sus vistidos i ke pongan una kuadra de púrpura violeta en el fleko del vuelo. Estes flekos vban servir para ke kuando los vean, se akódren de todos los preseptos del Dio i los praktiken.» (Números. 15: 38-40).
La ropa de katro eskinas era la vestimenta uzada en los antikos tyémpos i ainda lo es entre los beduinos. Los flekos, ke asigún la mistvá debían unirse a eyas, se trokaron a ser un perpetuo arikodro para el duenyo del vistido de ke tinía ke mantenerse dientro de los límites de la desenzia, la moral i la étika i nuka le permita ulvidárse de la ley del Dio. Los mantos de katro eskinas ya no son de uzo diario ma afilú uno en espesial se uza para meldar. El talit puede ser lungo i amplio permitiendo a la persona ke se envuelva en él o taparse la kabesa si deseya apartarse totalmente del mundo mientras se komunika kon El Dio. Puede ser simplemente un «shal de arrogamiento» chiko i estrecho.
Se uza sólu durante el día, ke es el momento en ke es posible verlo en la luz natural del sol. El hazzan, afilú lo uza también por la noche. Kuando el djudio se kubre kon él, kudia siempre ke la parte de arriba kede fuera déke el talit es un manto ke no debe uzarse al reverso. Para el djudio, esta prenda es el vistido visible de la responsabilidad.
