Telefon

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Telefón de la entreprisa Telefónica, modelo Heraldo.

El telefon es un instrumento de telekomunikazyon desenado kon el buto de transmitir sinyos akustikos (es dezir, sonetes, djeneralmente, la boz) entre dos o mas lugares a traverso de sinyos elektrikos.

Oy endiya se topa el telefon en kaji todas las kazas i los buros. Los telefons fonksionan enviando sinyos elektrikos a traverso de redes kompleksas ke azen ke un usador de telefon pueda avlar kon kualunke otro. Antes estos sinyos eran enviados por redes fisikas (telefoniya afiksada) ma ainda oy se puede a traverso de ondas enel ayre (telefoniya selular) o ke uzan sinyos de satelit de komunikasion; alkunos telefones amostran video.

Istorya[trocar | editar código]

Por muncho tyempo, Alexander Graham Bell era konsiderado el inventador del telefon, ma afilu Bell no era el inventador de este instrumento, ma el primero en enrejistrarlo. Ansinas, el 11 de Djunio de 2002, el Kongreso de los Estados Unidos akseptava ke el inventador del telefono era Antonio Meucci, el kualo lo yamo teletrofón, i no Alexander Graham Bell. Meucci, por penserios ekonomikos, solo puedia amostrar en 1871, chikos detalyos del su dezvelopamyento, ma no lo enrejistro enel Buro de Patentes de los Estados Unidos.