Viya Allatini
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La Viya Allatini (en grego: Βίλλα Αλλατίνι) es una fragua enel estil baroko ke se topa en la avenida Vasilissis Olgas, al oryente de la sivdad de Salonik, Gresia. Era fraguada enel anyo 1898, kuando la sivdad apartenia al Imperio Otomano.
Istorya[trocar | trocar el manadero]
Era fraguada enel anyo 1898 por el arkitekto italiano Vitaliano Poselli, el kualo endemas izo el desen de los Molinos Allatini en 1890, i el buro prinsipal del Bank de Salonik, la kuala era proprieta de Moise Allatini, enel sentro de la sivdad. Kuando era fraguada, la rejion era yamada distrito de "Kampinyas" (des Campagnes) o "Torres", i era el limito mas al oryente de Salonik.[1]
La viya prinsipio komo la kaza de vakansas de la famiya Allatini de Salonik. Diskues de la revolusion de los Mansevos Turkos, era uzada entre 1909 fina 1911 komo residensia del sultan Abdulhamid II, el kualo bivio ayi diskues de ser kitado del palasio en Konstan. En 1926 era echa la Eskola de Filosofiya de la sivdad de Salonik, la kuala era la prima eskola de la Universita de Salonik[2], mientres ke en la Dosena Gerra Mondiala era uzada komo un espital.[3] Desde 1979, el governo de la Sivdad de Salonik lavorava desde Viya Allatini, fina 2011, kuando el governo de la sivdad era kitado i trokado por un governo rejional. Oy endiya, Viya Allatini es la kaza del governo de la rejion de la Makedonia Sentrala.[4]
Referensias[trocar | trocar el manadero]
- ↑ Βίλα Αλλατίνι, σημερινό κτίριο Περιφέρειας Κ.Μακεδονίας, Θεσσαλονίκη (en lingua grega)
- ↑ Συλλογικό (2014). Thessaloniki: the city and its monuments. Thessaloniki: Μαλλιάρης Παιδεία. pp. 173–174.
- ↑ Παλιά Θεσσαλονίκη: H βίλα και οι μύλοι Αλλατίνη (en lingua grega)
- ↑ Καλώς ήλθατε (en lingua grega)