Abir
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La Asosiasion Abir de Arte de Gerreyar de Israel (en ivrit אבי"ר קשת - אומנות לחימה עברית) fue fondada por el kantador yisraeliano Yeoshua Sofer, en la kuala se ambeza en las sivdades de Yerushalayim i Tel Aviv asigun una tradision ke egziste orijinalmente desde la antikita yisraeliana en una eskola eskondida de "Bani Abir" en Habban, Teman, i un estil propio.
Sofer se aze yamar Aluf Abir (ivrit: אלוף אבי"ר, "Gran Maestro de Abir"). El biervo אביר en ivrit moderno sinyifika "kavayero", ma enel espor es eskrito komo akronimo (אבי"ר). Para אדוננו, בוראנו, יוצרנו, רופאנו ("Muestro Senyor, Muestro Kriador, Muestro Azedor, Muestro Ensanador").
El logo de la eskola deletrea el biervo enel alefbet fenisyano komo 𐤀 𐤁 𐤉 𐤓, las formas de las letras son emportantes, deke enel sistem de gerreyar ambezan a tomar las formas de las letras del alefbet en los 7 modos de kombate.
El biervo keshet (קשת) sinyifika endemas "arko" i aze referensia a un modo de ahavar siempre kon el braso en forma de arko.