Deklarasiyon Balfour
La Deklarasiyon Balfour es una manifestasion formala del govierno britaniko echa de la konosensia de los sitizenos el 2 de Noviembre de 1917 en la kuala el Reyno Unido se aze favoravle ala kriasion de un Payis Nasional Djudio enel Mandato Britaniko de Palestina. El formato del dokumento es una letra kon sinyo del Sekretario de Lisiones Eksteriores britaniko (Foreign Office), Arthur James Balfour i adresada al baron Lionel Walter Rothschild, un shefe de la komunita djudia en Gran Bretanya, para ser mandado ala Federasion Zionista de Gran bretanya i de Irlanda. la Deklarasiyon, en la kuala el govierno britaniko dechidió apoyar la kriasion de un payis djudio enel su Mandato, es konsiderada komo la primera akseptasiyon de una potensia mondiala de los diritos de puevlo djudio ensima de la Tyerra de Israel. La "Deklarasiyon Balfour" fue ajustada enel Akódro de paz de Sèvres entre la Turkiya i el Mantado Britaniko de Palestina. El dokumento orijinalo se topa ainda en la Biblioteka Britanika.