Erensia de la Umanitad

de Vikipedya, la ansiklopedya líbera
Saltar a: navigación, buxcar
Bandiera ofisiala del programa Erensia de la Umanitad de la UNESCO.

Erensia de la Umanitad es el titolo ke da la UNESCO a akeyos lugares naturales o echos por el ombre ke se topan en la lista del Programa Erensia de la Umanitad, la kuala es kudiada por el Komité de Erensia de la Umanitad, enel kualo azen parte 21 payises eskojidos por la Asamblea Jenerala de Payises Myembros.

El objektivo del programa es kudiar, ordenar i azer de la konosensya de la sosyeté los sitios kon emportansia kulturala, o naturala lisionados kon la erensia komun de la umanidad. Basho alkunas kondisiones, estos sitios pueden tener parás del Fondo para la Defensa de la Erensia de la Umanidad; este programa fue kriado enel anyo 1972 i 188 payises tienen firmado el akódro.

Fina el anyo 2011, la lista de lugares Erensia de la Umanitad tiene 936 sitios, de los kualos 725 son naturales, 183 kulturalos i 28 mesklados, en 153 payises; italia tiene la mayor kantidad de sitios en esta lista, 47.

Kada uno de los lugares yamados Erensia de la Umanitad pertenesen al payis ande se topan, mas estan konsiderados parte del entereso de la komunidad internasionala i kale ser kudiado para las muevas djenerasiones.