Farhud

Farhud (en arabo: الفرهود) aze referensia al pogrom echo en kontro de la komunita djudia de Bagdad, Irak, el 1 i 2 de Djunio de 1941 durante la fyesta de Shavuot. Akontesió en un vazio de pueder diskués de ke el govierno pro-nazi de Rashid Ali fuesse arrondjado. Antes de ke las huérsas britanikas i de Transdjordania arrivasen, unos 175 djudios fueron amortados i unos 1000 feridos, endemas de unas 900 kazas de djudios destruyidas. Enel anyo 1951, 110.000 Djudios -un 80% de los djudios de Irak desharon el payis, en su majorita verso Israel. Munchos akademikos yaman al Farhud "el pogrom ulvidado del Olokósto" i "el empesijo de la fin de la komunita djudia de Irak", la kuala egzisito desde 2600 anyos atras.