Autoridad de Radiodifusion de Yisrael
La Autoridad de Radiodifusion de Yisrael, en inglez Israel Broadcasting Authority o IBA (en ivrit, רָשׁוּת השׁידוּר, Rashut Ashidur) es la autoridad nasionala de radio i televizyón publika del Estato de Yisrael. Nasida komo Kol Israel, radio aperturada en la anyada de 1948, fue konformada por la Knesset el 6 de Djunio de 1965. Anke el payis no konforma parte jeografikamente de Evropa, es myémbro aktivo de la UER desde 1957.
Kanales[trocar | trocar el manadero]
Radio[trocar | trocar el manadero]
La radio públika de Yisrael esta konformada por los sigintes kanales:
- Reshet Alef: Kon programasiyon jeneral i kulturala.
- Reshet Beit: Kon programasiyon bazada en la aktualidad i habér en direkto.
- Reshet Gimel: Espesialisada en la muzika de Yisrael.
- Reshet Dalet: Radio en lingua arábiga.
- REQA: Radio dedikada a los olim. La su programasiyon es transmitida en 13 linguas, anke la mas uzada en los programas es la lingua rusa.
- 88 FM: Radio espesialisada en muzika internasionala.
- Kol Amusika: Radio espesialisada en muzika klasika.
- Reshet Moreshet: Radio dedikada a la komunita djudia ortodoxa.
Endemas, la IBA tiene un proyekto-skola yamado Kol Akampus, el kualo ofrese praktikas en radio i televizyón a elevos de kominikasiyon sosyala i un kanal internasyonal de radio dedikado a toda la komunita djudia en la Galut.
Televizyón[trocar | trocar el manadero]
La IBA maneja 2 canales de televisión:
- Arutz 1 (Kanal 1, ""הערוץ הראשון" o Haaruts Arishon): Emite una programasiyon jeneralista kon servis publiko, i en vezes komparte su espasio radioelektriko kon el Kanal Edukativo, el kualo es kontrolado por una entreprisa produktora independyente.
- Arutz 33 (Kanal 33): Es un kanal ke emite en lingua arábiga.