Indira Gandhi
Indira Priyadarshini Gandhi (इन्दिरा प्रियदर्शिनी गान्धी) (nasida en Allahabad, India el 19 de Noviembre de 1917 i muerta en New Delhi el 31 de Októbre de 1984) era la unika ija de Kamala Nehru i Jawaharlal Nehru, el kualo yegó a ser primer ministro de India. Tomó la su alkunya del su espozo Feroze Gandhi (sin dinguna lision kon Mahatma Gandhi).
Eredera de la más puederoza famiya polítika de la India, la "famiya Nehru-Gandhi", empiesó el su kresimiento en la politika komo la aliada más aserkada del su padre i diskués de la su muerte trokó su papel komo figura de ornato de la élite polítika del payis en la más puederoza shef de la India por munchos anyos, por modre de su imej popular i su pertenensia ala famiya Nehru.