Lingua muerta

La eskritura kuneiforme era uzada para eskrivir linguas komo la lingua sumeria, lingua akadiana o la lingua elamita, las kualas oy endiya son linguas muertas.

Se yama lingua muerta a akeyas linguas ke no son avladas komo lingua madre por dinguno, i endemas no es uzada de modo natural por dinguna komunidad de avlantes.

Alkunas linguas muertas son ainda uzadas komo sigunda lingua, lingua klasika o lingua relijioza, ma la lingua ya no es avlada por dinguna kreatura komo lingua madre Afilu en estos kavzos la lingua no krese o bive komo akontese kon las linguas bivas. Se yama amortamiento linguistiko a kualo akontese enel trokamiento linguistiko kuando una lingua piedre todos los sus avlantes.