Ir al contenido

Minare

Un artíkolo de la Vikipedya, la ansiklopedya líbera
(Redirijado de Minaré)
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Minares de la mishkita de Asuan

El minare o alminar es el nombre kon el kualo se konosen las kulas de las mishkitas. Ambos nombres vienen del arabo منار, minār o manār, el primero del fransez minaret, tomado del turkano, minare, el kualo a la su vez lo toma del arabo i el sigondo direktamente kon el artíkolo arabo al-. El biervo arabo minar sinyifika «fener», deke en syeklos pasados era komun meter luzes en los minares kon el buto de oryentar a los ke viajavan verso la sivdad. En arabo el biervo ke se uza oy endiya es مئذنة mi'dhana, es dizir, lugar desde ande se aze el adhan o yamada a meldar.

El su prinsipal buto es azer ke la mayor kantidad de djente pueda sentir kada una de las sinko yamadas a meldar. Para esto tiene uzualmente en la su parte alta, un balkon desde el kualo el muezin azia tradisionalmente la yamada a meldar uzando la su voz. Oy endiya, se uza un megafono.

La forma de los minares troka de rejion a rejion. En el Maghreb, las mishkitas tienen uno, de baza kadrada; el enshemplo kon mayor ermozura es el antiko minare de la Gran Mishkita de Kairuan en Tunesia. En el Oryente la majorita de las djamis tienen dos o katro minares, djeneralmente, i kon forma diferente. En las rejiones de enfluensia ottomana los minares de baza sirkulara, kon un balkon saliente i techo en forma de kono son ma komunes.

Minare de la Gran Mishkita de Kairuan

Ver endemas[trocar | trocar el manadero]

Atamientos eksternos[trocar | trocar el manadero]

Commons Klika akí para ver las imajes de Commons ensima de Minarés.