Peninsola de Sinai

Un artíkolo de la Vikipedya, la ansiklopedya líbera
(Redirijado de Peninsola del Sinai)
El Sinai desde el espasio

La Peninsola del Sinai o el Sina (en arabo شبه جزيرة سيناء, Shibh Yazirat Sina; en ivrit, חצי האי סיני) es una penínsola kon forma de triángolo invertido, ke se topa enel Medio Oryente. El Sinai pertenese a Ayifto, i tyene sus limitos al nord kon la mar Mediterraneo, al oeste kon el Kanal de Suez, al este, kon la frontiera kon Israel (la kuala la separa del desyerto del Negev), al noreste kon la Franja de Gaza i al sud kon la mar Kolorada. Su vértise del sud se mete en esta mar i kria dos golfos enel mismo; al oeste el golfo de Suez i al este el golfo de Eilat o golfo de Aqaba. En la peninsola se topa Har Sinai, ande los djudios resivieron la Tora de El Dio i el desyerto ande andaron por 40 anyos dospues de salir de Ayifto, antes de entrar en la Tyerra de Israel.