Sud-Afrika

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Republic of South Africa Republiek van Suid-Afrika Repuvlika de Sud-Afrika ריפובֿליקה די סוד-אפריקה Bandyera Eskudo Situasión de Sud-Afrika Kapitala: Pretoria Sivdad del Kabo Bloemfontein Mayor sivdad: Djohannesburgo Linguas ofisialas: Inglez, Afrikaans, Xhosa, Zulu i otras 8 linguas Forma de governo: Repuvlika Moneda: Rand Shefe de estado: Cyril Ramaphosa Shefe de governo: Cyril Ramaphosa Ekstension: 1 221 037 km2 ·Kostas: 2.500 km Povlasion: 62 027 503 ·Densidad: 50.8 ab/km2 PIB: USD 419,02 milyardas Kodigo ISO: ZA / ZAF Prefikso telefonika: +27 Dominasion de internet: .za

La Repuvlika de Sud-Afrika es un payis ke se topa enel sud del kontinente Afrikano. Tiene las sus frontieras kon Namibia, Botsvana, Zimbabve, Mozambike i Svazilandia. El Reino de Lesotho se ankontra enklavado dentro de la Repuvlika de Sud-Afrika. Es el uniko payis kon tres sivdades kapitalas: Pretoria (administrativa), Bloemfontein (djudisiala) i Sivdad del Kabo (lejislativa); andjak, la sivdad mas grande i emportante ekonomikamente es Djohannesburgo.

Sud-Afrika es un payis konosido por la su meskla de kulturas, linguas i relijiones. Onze linguas son rekonosidas komo ofisialas por la Konstitusion de Sud-Afrika. Dos de las onze linguas son de orijin evropeo: la lingua afrikaans, la kuala proviene direktamente de la lingua olandeza i es avlado por la majorita de los avitantes blankos i por los mestizos i la lingua inglesa. Anke la lingua inglesa tiene una emportansia grande en la vida publika i komersiala del payis, es afilu la sinkena lingua en kuanto a numero de avlantes nativos. Sud-Afrika es un payis etnikamente diverso. El 79,5% de la povlasiyon sud-afrikana es de orijin preto, la kuala está dividida en diferentes grupos etnikos los kualos avlan diferentes linguas bantus, mueve de las kualas son ofisialas. Endemas, el payis tiene las mayores komunidades de avitantes de orijin evropeo, indio, ansina komo las komunidades mestizas mas grandes del kontinente.

Pretoria

Sud-Afrika es uno de los myembros fondadores de la Union Afrikana i tiene la ekonomiya mas grande del kontinente i de todos los myembros de la UA. Es endemas myembro fondador de las Nasiones Unidas i del NEPAD. El payis apartiene ala Mankomunidad de Nasiones, el Tratado Antartiko, el Grup de los 77, la Zona de Paz i Kooperasiyon del Atlantiko Sud, la Union Aduanera de Afrika Meridionala, la OMK, el FMI, el G20 i el G8+5, entre otros.

Atamientos eksternos

• Governo de Sud-Afrika (en inglez)
• Ambasada de Sud-Afrika en Arjentina
• Asamblea Nasionala de Sud-Afrika
• Pajona web Ofisiala de Turismo de Sud-Afrika (en inglez)