Universita Ben Gurion del Negev
La Universita Ben Gurion del Negev (en ivrit אוניברסיטת בן גוריון בנגב) fue kriada enel anyo 1969, en Beersheva, Israel. El governo dekretó ke la universita iva ayudar al dezvelopamyénto de la rejión del Negev, asigun la vizyón del antonses primér ministro, David Ben Gurion, el kualo kreyía ke el futuro del payis estava lisionado kon el dezvelopamyénto de las rejiones del sud.
Al empesijo yamada "Universita del Negev", su nombre fue trokado al de "Universita Ben Gurion del Negev" dempués de la muerte de Ben Gurion en Noviembre de 1973. La universita endemas tiene dos campus eksternos, uno en Eilat i otro serka del kibbutz Sde Boker, ande Ben Gurion bivió los sus ultimos anyos, yamado Midreshet Ben Gurion. La Universita Ben Gurion del Negev es la sede del Instituto Ya'akov Blaustein para la investigasiyon del desyerto, el kualo entrega los titolos en las karrieras relasionadas kon el desyerto. Aktualmente tiene unos 17.400 elevos i es una de las universitas ke krese mas pishín del payis.
Eskolas
[trocar | trocar el manadero]La Universita Ben Gurion del Negev tiene eskolas de:
- Umanidades i Sensias Sosyalas
- Sensias Naturalas
- Sensias de Injenieriya
- Sensias de la Salud
- Administrasiyon
- Investigasiones del Desyérto
Elevos emportantes
[trocar | trocar el manadero]- Amira Dotan (Sikolojiya), miémbro de la Knesset
- Gonen Segev (Medisina), médiko i myémbro de la Knesset
- Silvan Shalom (ekonomiya), aktual ministro yisraeli de eksteriores
- Ya'akov Turner (Sensia del komportamyénto, Sikolojiya), antigo alkalde de Beersheva
- Mordehai Vanunu (Jeografiya, Filosofiya), tékniko nuklear i aktivista anti-nuklear yevado a prizión por traidor
- Shelly Yachimovich (Sensia del komportamyénto), djurnalista i miémbro de la Knesset
