Yaúrt
El yaúrt es un producto echo kon leche, la kuala se aze fermentar kon bakterias. Anke se pude uzar kualunke leche, jeneralmente es uzada la leche de vaka. La fermentasion de la laktoza (el asukar ke se topa en la leche) en ázido láktiko aze ke el yaúrt tenga ese savor tan partikolar. Munchas vezes es mesklado kon frutas, chikolata, sereales o myél.
Istorya
[trocar | trocar el manadero]Egzisten provas de ke ya el yaúrt era echo por alkunas kulturas desde el anyo 2500 AEK. Se kreye ke los primeros bulgarianos yegaron a Evropa enel syéklo II i yevavan leche de kavra guadrada en sakos echos kon piel de kavra. Esta leche se aedava en los sakos i las bakterias azían el yaúrt.
Etimolojiya
[trocar | trocar el manadero]El biervo "yaúrt" viene del biervo turko yoğurt (jɔˈurt), el kualo esta derviado del biervo yoğurmak, mesklar. La letra ğ no tiene dingun sonete entre vokales en la lingua turkana modérna, ma antes tenia el sonete de una [ɣ] sonora velar frikativa.
