Asansör

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El asansor historika

El asansor historika ez un monumento historiko ke se topa en Izmir. Esto ez una kula ke auna dos asansores ke lavoran entre Mithatpasha caddesi i Halil Rifatpasha caddesi i ke es la una maz alta de la otra de 58 m. Este asansor fue fraguado de parte de un djudyo merkader ke se yamava Nesim Levi Bayraklioglu en el anyo 1907. Esto se izo para pueder arivar maz presto de una maale ala otra. Ke de la una ala otra se arivava kon 155 eskalones. En estos diyaz este lugar en Izmir se izo un lugar de paseyo de parte de la munisipalidad, lugar de eskanso, i un lugar turistiko.

Al asansor se ariva por una kaleja yamada de parte del puevlo asansor chikmaz sokagi (kaleja ke no ay salida). I otro al nombre Dario Moreno ke el bivio en Izmir. La kula ez de dos kates de piedra i dospues kon tuvlas. En la fragua se topa un balkon echo de fierro, i de este balkon se ve Izmir entero.

La estoria[trocar | editar código]

La parte Karataş de Izmir fue okupada por munchos anyos komo muros de piedra. Mithat pasha caddesi kon la maale de ariva Halil Rifat Pasha eran apartados kon una valle (ucurum). Entre los dos sentros izieron eskaleras para aunar los dos sentros. Loz Turkos las yamavan Karatash Merdivenleri. I los djudios ke moravan en la parte de ariva le dyeron el nombre las eskaleras de los Davidas. En la parte de ariva de las eskaleras aviya la kaza de los Davidas, i abasho en la mas grande kaza morava Nisim Levi Bayraklioglu ke era un merkader. Un diya el padre Davidas ke kayo de las eskaleras i se le rompyo el pye. El amigo Nisim Levi penso de azer una asansor komo vido en las sivdades de Europa. La kula de esta asansor se izo kon lajas ke fueron trayidas de Marseya. La fragua se kompleto en el 1907.

Fina el anyo 1942 ke se vendyo la entrada toda era para el hospital Karatash Musevi Hastanesi. En el 1942 se troko el patron de la asnsor, un largo tyempo estuvo serrada achakes ke los empyegados desharon los echos, i ke uvo unas muertes. En el 1983 se aregalo ala munisipalidad i en el anyo 1985 fue restorada. Antes de la restorasion del anyo 1985 en la kula el asansor la una lavorava kon bafo i la otra kon elektrisidad. En el anyo 1985 todas la dos asansores lavoraron kon elektrisidad. En el 1992 kon el ayuda del prezidente de la munisipalidad Ahmet Prishtina paso de muevo una restoresion.