Baruh Benacerraf

de Vikipedya, la ansiklopedya líbera
Saltar a: navigación, buxcar

Baruj Benacerraf es un mediko venezuelano-amerikano de orijin sefardi. El su padre nasió en Marroko i la su madre en Arjelia. Baruj Benacerraf resivió, endjunto kon Jean Dausset i George D. Snell el Premio Nobel de Medisina enel anyo 1980, shukur a los sus dishkovrimyentos relasionados kon estrukturas determinadas por la jenetika en la superfisie de la sélula ke regulan las reaksiyones del sistem inmunolójiko, espesifikamente los yamados jenes Ir, los kualos regulan la resposta inmune frente a un determinado antijeno soluble. En otras palavras, amostra ke la resposta inmune frente a un antíjeno es distinta para kada persona i es eredada asigún las leyes de Mendel. Todos los individuos pueden responder frente a un mismo antíjeno soluble má kada uno rekonose distintos determinantes antijénikos. Ese patrón de rekonosimyénto individual es eredado de los padres.

Biografiya[trocar | editar código]

Baruj Benacerraf nasió en Karakas, la sivdad kapitala de Venezuela el 29 deOktobre de 1920. Baruj estudio en la Universita Columbia i en la Eskola Medika de Virginia en Richmond. Se izo sivdadano amerikano enel anyo 1943. Fue mediko de las huérsas militares de Estatos Unitos d'Amerika durante la Sigunda Gerra Mondial. Enel anyo 1948 empiesa la su karriera de investigador. Enel anyo 1970, empiesa a dar lisiones de patolojiya en la Eskola de Medisina de la Universita Harvard. Es elejido myembro de la Akademia Nordamerikana de Artes i Sensias enel anyo 1972 i de la Akademia de Sensias de los Estatos Unitos enel anyo 1973. Resive el Premio Nobel de Medisina enel anyo 1980. En 1990 resivió la National Medal of Science por las sus kontribusiyones enel kampo de la medisina.

Premios[trocar | editar código]

Endemás del Premio Nobel, tiene resividos:

  • 1992: Honorary Degree of Doctor of Sciences, Universita Gustav Adolf.
  • 1992: Honorary Degree of Doctor of Sciences, Universita Harvard.
  • 1993: Honorary Degree of Doctor of Sciences, Universita de Bordeaux.
  • 1995: Honorary Degree of Doctor of Medecine, Universita de Viena.
  • 1996: Gold Cane Award of the American Association por las sus investigaciones en patolojiya.
  • 1996: Charles A. Dana Award por los sus logros pioneros en Salud i Edukasiyon.


Enlasos eksternos[trocar | editar código]