Djamahiriya

Un artíkolo de la Vikipedya, la ansiklopedya líbera
Plaka ke amostra la frasa «Gran Djamahiriya Áraba Libya Popular i Sosyalista» en Praga.

Djamahiriya (en arabo, ﺟﻤﺎﻫﻴﺮﻳﺔ, puede toparse transkrito endemas komo Jamahiriya) es un biervo arabo jeneralmente traduzido komo «Estado de las masas» i es el nombre ke tiene ofisialmente Libya desde la "Deklarasiyon de Sabha" el 2 de Marso de 1977.[1] El biervo fue kriado por Muammar al-Gaddafi, en su Livro védre para yamar a un tipo de payis kon govierno paresido a la "Repuvlika del Puevlo" de los payises sosyalistas. Se uza sin traduksiyon kuando se eskrive el nombre kompleto de Libya, «Gran Djamahiriya Áraba Libya Popular i Sosyalista»

La baza de este sistema es la treséra teoriya universala a su vez bazada enel nasyonalizsmo arabo,[2] el Estado de bienestar,[3] i la demokrasia direkta o poder popular sosyalista, endemás de un sistema moral islámiko ke entre otras kosas tiene defendido bever alkól i los djuegos.[4] A esta meskla Gaddafi la yamó sosyalismo islámiko, ande ekonómikamente está permetido el kontrolo privado de entreprisas chikas i entreprisas kriadas por una famiya enel sektor de servisios mientres ke el govierno kontrola las kompanyias más grandes.

Enel govierno de Libya, Gaddafi (el Kaid, traduzido lider; transliterasiyon estrikta Qāʼid) no tiene dingún ofisio publiko, sólo el titolo onorario de "Gía de la Gran Revolusiyon del Priméro de Setiembre de la Djamahiriya Áraba Libya Popular i Sosyalista" o "Ermano Líder de la Revolusiyon" en las deklarasiones del govierno i la prensa ofisiala. Afilu Gaddafi es el líder de fakto del payis endjuntamente kon una parte de los militares ke tomaron el poder enel anyo 1969 i algunas personas proksimas a Gaddafi, por ser los de la idea orijinala de la revolusiyon.

Kon la "Revolusiyon védre sosyalista" de Gaddafi ke kria la Djamarihiya enel anyo 1977, a la bandiera de Libya se le trokó la kolor a una totalmente védre, ansina komo el Libro védre de Gaddafi.

Referensias[trocar | trocar el manadero]

  1. "Libya - History". Departamento de Estato de los Estatos Unitos d'Amerika
  2. The Green Book, Third Volume “The Social Basis of the Third World Theory”, The Social Basis of the Third World Theory. Mathaba.net
  3. The Green Book, Second Volume “The Solution of the Economic Problem”, Need. Mathaba.net
  4. The Green Book, First Volume “The Solution of the Problem of Democracy”, The Law of Society. Mathaba.net