Eden Alene
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Eden Alene (Ivrit: עדן אלנה; Amharik: ኤደን አለነ); nasida el 7 May de 2000 en Yerushalayim) es una kantadera israeliana. Es la ganadora del sieteno plazo del konkorso A-Kohav a-Ba i por modre de la su reushita, era elejida komo la representante de Israel enel Konkorso de Evrovizion 2020, kon la su kantika "Feker Libi", la kuala iva ser kantada en Rotterdam, Payises Bashos.[1] Diskues del anulamyento del konkorso del anyo 2020 por kavzo de la magefa de COVID-19, era otomatikamente eskojida komo la representante de Israel enel konkorso de 2021, ama esta vez kon "Set Me Free".[2]
Biografiya[trocar | trocar el manadero]
Eden Alene nasio i kresio en la maale de Katamon en Yerushalayim. Los sus padres, Zehava Varkanesh and Mulugeta Alene, [3] son Djudios de Etiopia ke izieron aliya de modo estajado durante la aliya de Etiopia,[4] Los sus padres se divorsaron kuando eya era de edad de 2 anyos; diskues ke los sus padres se desharon, eya no tiene aresivido mas haberes del su padre.[5]
Alene ambezo en una eskola relijioza anke el lise lo izo en la eskola sekular de la Universita Ebrea de Yerushalayim, ande ambezo teatro. Kuando era de edad de 18 anyos, era enlistada en la Armada Israeliana i yego a ser parte de la banda militar.[6] Eskapo el su servis militar en Oktobre de 2020.[7]. Desde el empesijo de la anyada 2021, tiene un novio israeliano, Yonatan Gabay.[8]
Karriera[trocar | trocar el manadero]
En Oktobre del anyo 2017, Alene dechidio partisipar enel tresero plazo del konkorso X-Factor Israel, kantando en la audision la kantika "Stone Cold" de la amerikana Demi Lovato. En Djenero de 2018, eya gano el konkorso.[9]. En Avril de este anyo, kanto una kantika de Arkadi Duchin en la seremonia de asendido de las torchas enel 70 aniversario de la independensia de Israel.[10] En Deziembre de 2018, apresento el su single "Better".[11] Enel anyo 2019, izo parte de la produksion israeliana del musikal Little Shop of Horrors.
En Fevrero de 2019, antes del Konkorso de Evrovizion 2020, apresento un cover de la kantika "Save Your Kisses for Me" de Brotherhood of Man, la kuala gano el Konkorso de Evrovizion 1976.[12] En Marso de este anyo, apresento el su doseno single, "When It Comes to You", el kualo era produzido por el produktor amerikano Julian Bunetta.[13]
Konkorso de Evrovizion 2020[trocar | trocar el manadero]
En 2019, partisipo enel sieteno plazo del konkoso israeliano she participated in the seventh season of the Israeli singing competition A-Kohav a-Ba, ganando en la final del 4 de Fevrero de2020. Aresivio el dirito de ser la representante de Israel en el Konkorso de Evrovizion 2020, el kualo iva ser echo en Rotterdam, Payises Bashos. Los produktores de Kan, el kanal de televizion israeliano ke apresenta Evrovizion, eskojieron katro kantikas para eya: "Savior in the Sound", "Roots", "Rakata" i "Feker Libi", la kuala era la eskojida por modre de voto elektroniko; esta kantika tiene versos en katro linguas: Inglez, Arabo, Ivrit i Amharik, la lingua de los sus padres.[14][1] Ma el 18 de Marso de 2020, el konkorso era anulado por kavza de la magefa de COVID-19.[15]
Konkorso de Evrovizion 2021[trocar | trocar el manadero]
El 22 de Marso de 2020, el kanal Kan anunsyo ke Eden Alene iva ser la representante de Israel enel Konkorso de Evrovizion 2021. En Djenero de 2021, eran apresentadas las kantikas de las kualas una iva ser eskojida para la finala: "Ue La La", "La La Love" i "Set Me Free". El 25 de Djenero, era eskojida "Set Me Free".[2]
El 18 de May de 2021, kedo en la plasa numero 12 de la primera semi-finala del konkorso, diskues ke Beljika i antes de Rumania, kon la kuala klasifiko para la finala del konkorso el 22 de May. endemas de esto, krio un muevo record en la istorya del konkorso Evrovizion, kantando la nota mas alta, una nota de shuflet B6.[16] En la gran finala, aresivio 93 pontos, kedando en la plasa 17 de 26.
Diskofrafiya[trocar | trocar el manadero]
EPs[trocar | trocar el manadero]
| Titolo | Details |
|---|---|
| HaShir HaBa L'Eurovizion[17] |
|
Singles[trocar | trocar el manadero]
| Titolo | Anyo | Plasa mas alta en las listas | Album | |||
|---|---|---|---|---|---|---|
| Israel [18] |
Payises Bashos [19] |
Suesia [20] |
Reyno Unido [21] | |||
| "Better"[22] | 2018 | 10 | — | — | — | |
| "Save Your Kisses for Me" | 2019 | — | — | — | — | |
| "When It Comes to You" | — | — | — | — | ||
| "Feker Libi" | 2020 | 3 | — | — | — | HaShir HaBa L'Eurovizion |
| "Ma Ata Over" | — | — | — | — | ||
| "Set Me Free" | 2021 | 3 | 78 | 78 | 100 | |
| "Ue La La" | — | — | — | — | ||
| "La La Love" | — | — | — | — | ||
Referensias[trocar | trocar el manadero]
- ↑ a b Israel chooses Eden Alene for Eurovision 2020
- ↑ a b Eden Alene will perform Set Me Free for Israel
- ↑ How Eden Alene became the 1st Israeli of Ethiopian descent bound for Eurovision. Times of Israel
- ↑ Eden Alene
- ↑ הכירו את עדן אלנה. Mako
- ↑ Eine ganz neue Welt. Jüdische Allgemeine. (en lingua alemana)
- ↑ משוחררת: עדן אלנה גוזרת את החוגר
- ↑ הבלונד יביא את הניצחון? עדן אלנה טסה לאירוויזיון
- ↑ עדן אלנה הזמרת הצעירה שכבשה את X פקטור.Ma'ariv
- ↑ החדשות - ישראל חוגגת את יום העצמאות ה-71. Mako
- ↑ עדן אלנה חוזרת עם סינגל הבכורה "Better", שנה אחרי הניצחון. Mako
- ↑ דוז פואה: עדן אלנה בביצוע מחודש לשיר אירוויזיוני
- ↑ איפה אקס פקטור? עדן אלנה מנסה לפרוץ עם מפיק-על בינלאומי ומפספסת. Ma'ariv
- ↑ 'Feker Libi,' a song in four languages, to represent Israel at Eurovision. Jerusalem Post.
- ↑ Israel’s contestant cries on TV as Eurovision nixed over pandemic. Times of Israel
- ↑ Israel's Eden Alene qualifies for Eurovision final. Israel HaYom
- ↑ השיר הבא לארוויזיון - EP by Eden
- ↑ Media Forest
- ↑ Discografie Eden Alene
- ↑ Discography Eden Alene
- ↑ Official Singles Downloads Chart: 28 May 2021 – 3 June 2021
- ↑ המצעד השבועי עם דלית רצ'שטר. Galgalatz