Edmund Hillary

Un artíkolo de la Vikipedya, la ansiklopedya líbera
Sir Edmund Hillary.

Sir Edmund Percival Hillary (Tuakau, Mueva Zelanda, [[20 de Djulio de 1919 - Auckland, Mueva Zelanda, 11 de Djenero de 2008) era un alpinisto i eksplorador muevoselandezo. Se izo famoso por ser el primer ombre en arrivar ensima del Monte Everest, la kuala se topa a 8.850 metros. Arrivó el 29 de Mayo de 1953 endjuntamente kon el sherpa Tenzing Norgay. Es el uniko muevoselandezo ke aparesió ainda bivo en un bilyeto de banka.

Nasido al sud de la sivdad de Auckland, Hillary ambezó en una eskola topada 2 oras de kamino de la su kaza. El djoven Hillary se plazía de ir enel kamino meldando. De edad de 16 anyos amezó a eskalar en un viaje de la eskola al volkan Ruapehu.

En la Sigunda Gerra Mondiala se izo miembro de la huersa aerea muevoselandeza. Ansina vijitó el Everest en 1951, tentanto sin reushitá andar arriva de la montanya, ma enel anyo 1953 tuvo reushitá, kon una ekspedision britanika. Eskaló otras 10 montanyas enel Himalaya en los anyos 1956, 1960, 1961, 1963 i 1965. Endemas, yegó al Polo Sud aziendo parte de la Ekspedision transartika de la Commonwealth el 4 de Djenero de 1958.

El 16 de Djulio de 1953 aresivió el el nombramyento de Knight Commander ("kavayero komandador") de la Orden del Imperio Britaniko (KBE).

Sir Edmund Hillary murió de edad de 88 anyos el 11 de Djenero de 2008 en Auckland (Mueva Selanda).