Sigunda Gerra Mondiala

de Vikipedya, la ansiklopedya líbera
Saltar a: navigación, buxcar

La Sigunda Gerra Mondiala era una gerra desde el anyo 1939 asta el anyo 1945, entre la majorita de los payises independientes, deke se gerreyó en Evropa, Asya, Afrika, Amerika i Oseania, kon batalyas en tierra, la mar i el aire. Se dize ke yegó a ser la gerra ke mas djente amortó, kon mas de 65.000.000 de muertos.

Las prinsipalas batalyas eran en Evropa, Afrika del Nord i enel Oseano Pasifiko.

La gerra tuvo su empesijo el dia 1 de Setiembre de 1939 kon la invasion a Polonia por el Tresér Reich (tambien konosido komo Almania Nazi), anke algunos akademikos akspetan el 3 de Sietembre, kon la deklarasiyon de guerra de Fransia i del Reyno Unido en kontro del Tresér Reich. Alkunos istoriadores akseptan el su empesijo en la Kina enel anyo 1937, kon la invasion Japoneza. Endemas, la Gerra Sivil Espanyola enel anyo 1936, es una de los afitos ke inisiaron la Sigunda Gerra Mondiala, ansina komo el Anschluss (la aneksiyon de Ostria por el Tréser Reich) i de Chekoslovakia enel anyo 1938 dempués de los Akódros de Munich.

La guerra akavó el 2 de Sietiembre de 1945, kon la rendision inkondisionala de Japon. La su fin izo en konsekuensa la fin de las ideas del nazismo en Almania, del fachizmo en Italia i del militarizmo ekspansyonista en Japon. Endemas, anke la ONU fue kriada komo konsekuensa de la gerra, la Gerra Friya entre los Estados Unidos i la Union Sovyetika partió a la Evropa por 50 anyadas. Endemas dezvelopó los prosesos de deskolonizasiyon de las kolonias evropeas. Tambien es emportante, deke kon los Djuzgos de Nuremberg i otros djuzgos se kriaron las bazas del Dirito Penal Internasional.



Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.