Gerra Friya

de Vikipedya, la ansiklopedya líbera
Saltar a: navigación, buxcar
Mapa de Evropa del anyo 1989. En kolorado, los payises del Akódro de Varsovia (URSS) i en mavi los payises de la OTAN (EEUU).

Se yama Gerra Friya al enfrentamyento politiko, ideolójiko, ekonómiko, teknolójiko i militar ke akontesió durante el siéklo XX entre los blokos oksidental-kapitalista, dirijido por los Estados Unidos, i oryental-komunista, dirijido por a Union Sovyétika, del kualo se kitó dempues la Repuvlika Popular de Kina para kriar su propio bloko d'enfluensia.

Estos dos blokos nunka izieron gerras direktamente entre eyos, ma gerras d'uno de eyos en kontro de un payis aliado del otro, o entre dos aliado de kada bloko. Anke estas gerras no yegaron a kriar una gerra mondiala, la kantidad de kolfliktos ekonomikos, politikos i endemas ideolojikos ke kriaron, definieron la mayor parte de la istorya mondiala del syéklo XX, deke tanto los Estados Unidos komo la Union Sovyetika dezeyavan uzar el su sistem politiko-ekonomiko en todo el mundo. Este konflikto tuvo su empesijo entre las anyadas de 1945 i 1948 (entre la fin de la Sigunda Gerra Mondiala fina la post-gerra) verso los anyos 1985 (empesijos de la Perestroika) i 1991 (Fin de la Union Sovyetika).