Gracia Mendes Nasi

de Vikipedya, la ansiklopedya líbera
Saltar a: navigación, buxcar

Gracia Mendes Nasi, konosida como "La Sinyora", (1510-1569) fue una rika i puederoza mujer, nasida en una famiya sefaradi de Portugal, de orijin aragonez. Su nombre de konversa era "Beatriz de Luna Miques".

Biografiya[trocar | editar código]

Kuando eya tinía doze anyos, deskuvrio ke era la ija de una famiya djudia; el nombre del su padre era Shmuel Nasi. Kuando eya tinia diez i ochu anyos, se espozó kon Francisco Mendes, el kualo era myémbro de la famiya de bankeros portugezes de los Mendes, los kualos eran rivales de los Medicis de Florensia. Anke malorozamente pedrió al su espozo kuando eya tinía 25 anyos[1], eya sigió kon el bisnes de el, emprestando paras a los reyes de Evropa. Kon la posibilitad de ser emprizyonada i entregada a la Inkisizion, fuyó i se establesió en la kapitala del Imperio Otomano, Estambol, basho la proteksiyon del sultan Suleiman El Manyifiko, el kualo enel anyo 1549, demandó a las autoridades venesianas ke permitiesen a eya, sus dos ijas i su ermana salir de la Repuvlika de Venesia, deke el las iva resivir en su imperio.

Yegó a la Turkiya enel anyo 1553, uzando la su rikeza para dar adjudo a los djudios sefaradis ke eran persigidos por la Inkisizion, aziendo ke munchos de eyos prokurasen rifujio en el Imperio Otomano. Enel anyo 1558 eya akodró kon el sultan alkilar la sivdad de Tiberias, ande eya kiría konstruir una sivdad djudia independiente arientro del Imperio Otomano. Antonses eya pago por el fraguamyénto de eskolas, esnogas i afilu entreprisas para el lavoro de la prensa djudia, kaji kon reushitá[2]. Endemas, eya uzo sus parás para fraguar esnogas i eskolas djudias en munchas sivdades del imperio.

Nombre[trocar | editar código]

Grasia uzó varios nombres por diferentes meoyos:

  • Beatriz de Luna Miques fue el nombre ke eya uzó komo kristyana konversa. El nombre de Beatriz lo trokó para uzar antonses el nombre de Gracia, el kualo es la forma portugeza i kastilyana del nombre ebreo Hanna.
  • Gracia Mendes, uzado komo espoza de Francisco Mendes.
  • Gracia Nasi, tomando la alkunya del su sovrino José Nasi, el kualo espozó kon la su ija, Reina

Referensias[trocar | editar código]

  1. La Memoria de Dona Gracia. Djurnal Şalom
  2. Gracia Mendes. The Jewish Virtual Library

Enlasos eksternos[trocar | editar código]