Guatemala

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

República de Guatemala
Repuvlika de Guatemala
ריפובליקה דה גואטמאלה
Bandyera Eskudo

Situasión de Guatemala
Situasión de Guatemala

Kapitala: Sivdad de Guatemala
Mayor sivdad: Sivdad de Guatemala
Linguas ofisialas: Kastilyano
Forma de governo: Repuvlika
Moneda: Quetzal
Shefe de estado: Bernardo Arévalo de León
Shefe de governo: Bernardo Arévalo de León
Ekstension: 108 889 km2
·% agua: 0.4%
·Kostas: 402 km
Povlasion: 17 263 239
·Densidad: 159.2 ab/km2
PIB: USD 86,05 milyardas
Kodigo ISO: GT / GTM
Prefikso telefonika: +502
Dominasion de internet: .gt


Guatemala, ofisialamente en lingua kastilyana República de Guatemala, es un paiz ke se topa al norte dela Amerika Sentrala; es un payis kon muncha kultura orijinala, por modre de la meskla de las kulturas maya i la enfluensia espanyola durante la kolonia kastilyana, por kualo es konsiderado un paiz multikulturalo, multilingual i multietniko, endemas de tener una gran biodiversidad.[1]

Es el paiz mas povlado de la Amerika Sentrala, konta kon un desvelopamiento medio en la ekonomia, la mayor parte del nifus vive en zonas ruralas i el su orijen es indijena. La Sivdad de Guatemala es la mayor zona metropolitana del paiz, el su desvelopamiento es alto, en kompetensia a otras sivdades de Guatemala i dela Amérika Sentrala.

Etimolojia[trocar | trocar el manadero]

El nombre Guatemala es orijinalo del biervo en lingua nahuatl Quauhtlemallan, el kualo sinyifika lugar kon munchos arvoles.[2] El nombre del paiz deriva del nombre de la Sivdad de Guatemala.

Istoria[trocar | trocar el manadero]

La primera evidensia de umanos ke avitaron la Guatemala data de 12,000 anyos aK. ay puntas de flechas de obsidiana topadas en varios lugares del paiz, asegun la presensia umana afinkada enla data de 18,000 anyos aK. Egzisten sitios arkeolojikos primitivos de kazadores i rekolektores de frutos. En el Petén i en Pasifiko ay un desvelopamiento agrikola aze 3500 aK. Endemas ay sitios de afinkamiento de 6500 anyos aK. dela rejion del Quiché i las planadas altas, tambyen en Sipacate i Escuintla ande ay esas evidensias.

Jeografia[trocar | trocar el manadero]

El territorio guatemalano komparte frontieras kon Meksiko al oeste i al norte, kon El Salvador, Honduras I el Oseano Pasifiko al sud, kon la mar Karibe aleste. El paiz es apartajado en veintitres departamentos administrativos, la kapitala es Sivdad de Guatemala. La nasyon es parte del territorio de la Amerika Sentrala.

La Repuvlika de Guatemala se topa en las koordenadas jeografikas del meridiano de Greenwich latitud norte 15º 30' 00 minima, 13º 00' 00 maxima, longitud oeste 90º 15' 00 minima, 94º 14' 00 maxima.[3]

La su jeografía fisika es una grande parte montanyosa. Hay aki, playas en su litoral del Pasífiko i planadas de sharas al norte del paiz. Es atravesada en su parte sentral por la Kordiyera de los Cuchumatanes i parte de la Serralada Madre del Sud.

A pesar de ser un paiz chiko, konta kon una grande diversidad biolojika.

Klima[trocar | trocar el manadero]

El klima es diverso, en alkunos lugares la temperatura es templada, en otros lugares es kaliente, prinsipalmente en arias tropikalas.

Governo i administrasion[trocar | trocar el manadero]

Organizasion territoriala[trocar | trocar el manadero]

Departamento Kapitala Area (km2) Povlasion
Alta Verapaz Cobán
Basha Verapaz Salamá
Chimaltenango Chimaltenango
Chiquimula Chiquimula
El Progreso Guastatoya
Escuintla Escuintla
Guatemala Sivdad de Guatemala
Huehuetenango Huehuetenango
Izabal Puerto Barrios
Jalapa Jalapa
Jutiapa Jutiapa
Petén Flores
Quetzaltenango Quetzaltenango
Quiché Cobán
Retalhuleu Retalhuleu
San Marcos San Marcos
Santa Rosa Santa Rosa
Sololá Sololá
Suchitepequez Mazatenango
Totonicapan Totonicapan
Zacapa Zacapa
Zacatepequez Antigua Guatemala

Demografia[trocar | trocar el manadero]

Guatemala ay 16 051 208 avitantes, la mayor konsentrasion mora en la Sivdad de Guatemala y la su zona metropolitan, tambyen en la rejion fronteriza kon El Salvador i Meksiko.

Relijion[trocar | trocar el manadero]

Basilika del sinyor de Esquipulas.

La relijion mas praktikada en la Repuvlika de Guatemala es el kristianizmo katoliko, el 50% se konfieza de esta kreyensia, ma es redusido en anyos freskos por el avanzo del Protestantizmo. Dentro del protestantismo, una de las konfesiones ke mas amuchigua, es la de los evanjelikos i Testemunyos de Jehova, endemas, las iglezias pentekostalas tambien konsentran muevos kreyentes, iglezias ke se amagan ansi mismas komo solo kristianos; otras iglezias son las evanjelikas, la piedra angular i la luz del Olam.

Kultura[trocar | trocar el manadero]

Guatemala es uno de los paizes del kontinente Amerikano kon una geande diversidad kulturala, munchas etnias konviven en el paiz sentroamerikano.

Espor[trocar | trocar el manadero]

El espor mas djogado en Guatemala es el futbol, el paiz konta kon una federasion de Futbol ke partisipa en CONCACAF.

Ver endemas[trocar | trocar el manadero]

Referensias[trocar | trocar el manadero]

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Guatemala


 
Paizes de Amerika

Antigua i Barbuda | Arjentina | Ayti | Bahamas | Barbados | Belize | Bolivia | Brasil | Chile | Djamaika | Dominika | Ekvador | El Salvador | Estados Unidos | Granada | Guatemala | Guyana | Honduras | Kanada | Kolombia | Kosta Rika | Kuba | Meksiko | Nikaragua | Panama | Paraguay | Peru | Repuvlika Dominikana | Santa Lusia | San Kitts i Nevis | San Vicente i las Granadinas | Surinam | Trinidad i Tobago | Uruguay | Venezuela

Dependensias: Anguilla | Aruba | Bermudas | Clipperton | Izlas Virjenes Amerikanas | Izlas Virjenes Britanikas | Isolas Kaiman | Izlas Malvinas | Groenlandia | Guadalupe | Karibe Neerlandez: Bonaire | Saba | St. Eustatius | Kurasao | Martinika | Montserrat | Guyana Franseza | Saint-Martin | Sint Maarten | Puerto Riko | Turks i Kaikos


 
Payises de Amerika Sentrala

Belize | El Salvador | Guatemala | Honduras | Kosta Rika | Nikaragua | Panama