Henrique Capriles Radonski
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Henrique Capriles Radonski, nasido en Karakas, Venezuela, el 11 de Djulio de 1972, es un polítiko i avokato venezuelano, ke es oy endiya el governador del estado de Miranda entre los anyos 2008 i 2012. Yegó a ser el último i más djoven Visepresidente del antiko Kongreso de Venezuela i Presidente de la Kamara de Diputados entre los anyos 1999 i 2000. Fue endemas alkalde de la munisipalidad de Baruta, entre los anyos 2000 i 2008. Es fondador i líder del partito sentro-umanista, Primero Djustisia, i fue koordinador nasional de esta organizasion politika fina 2008. Es endemás el aktual kandidato a las eleksiones presidensialas de 2012[1].
Orijin
[trocar | trocar el manadero]La su madre, Mónica Cristina Radonski Bochenek, es de famiya djudia rusa i poloneza, la kuala yegó a Venezuela fuyendo del Olokósto i de la Sigunda Gerra Mondiala. El su padre, Henrique Capriles García, es de una famiya sefardi de la isola de Kurasao. Anke su famiyas son de orijin djudio, Henrique fue kriado komo katóliko, la kuala es la relijion de la majorita de los venezuelanos.[2]
Referensias
[trocar | trocar el manadero]- ↑ Capriles Radonski es el candidato de La Unidad. Jurnal El Universal. (en lingua kastilyana)
- ↑ «"Respete a mis bisabuelos que murieron en el holocausto"». El Diario de Caracas (7 de agosto de 2012). Consultado el 10 de septiembre de 2012.