Its.hak Abrabanel

Un artíkolo de la Vikipedya, la ansiklopedya líbera
Dialoghi d'amore, 1929

Its.hak Abrabanel o Abarbanel (Its.hak ben Yehuda de Abrabanel / יצחק בן יהודה אברבנאל, Lisboa, 1437 - Venezia, 1508) era un teologo, komentador de la Tora i bisnesman djudio el kualo lavoró para las koronas de Portugal, Kastiya i Napoli, ansina komo para la Repuvlika de Venezia. Era el padre del konosido filosofo Leon Ebreo.

La su famiya era una konosida famiya djudia de Seviya, la kuala se fue a bivir a Portugal diskués de los pogromos de 1391. El su papú, Samuel Abrabanel, yegó a kudiar el trezoro de Enriko II i de Juan I, de Kastiya).

It.shak kudió el trezoro del rey de Portugal, Alfonso V, ma en 1483, lisionado kon un atako en kontro del proksimo rey, Juan II, se fue a Kastiya, ande bivió primero en Plasensia i diskués en Alkala de Enares i Guadalajara. Lavoró komo empiegado de Izabela la Katolika, a la kuala empresto munchas parás para la gerra de Granada. Era lisionado en Espanya kon Abraham Senior, el su protektor,[1] para el kualo lavoró komo faktor mayor.[2] Los dos izieron demandas, al empesijo sin reushitá, para azer los prodjektos de Kristof Kolomb.[3]

Abrabanel no akseptó konvertirsen kuando el edikto de Granada (31 de Marso de 1492) demando el arrondjamiento de todos los djudios, fakto ke tanto el komo Senior tentaron sin reushitá arretar uzando la su enfluensia kon la reyna. Anke salio de Espanya kon las sus parás, se fue a vir al reyno de Napoli, ande lavoró para el rey Ferrante i el proksimo rey, Alfons II. Kuando el reyno fue invadido por Charles VIII de Fransia (1495), Abrabanel se fue a bivir a la isola de Sisilia kon el rey Alfons II. Diskués bivió en la isola de Korfu, en la sivdad de Monopoli, al nortd de Afrika, i por último en Venezia, ande murio en 1508.

Atamientos eksternos[trocar | trocar el manadero]

Referensias[trocar | trocar el manadero]