Jessica Fox
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
.jpg)
Jessica Fox (Marseya, Fransia, 11 de Djunio de 1994) es una esportista ostraliana de kanotaj en kateggoriya de slalom. Los sus padres, la franseza Myriam Jerusalmi i el inglez Richard Fox, endemas eran kanotajistos en la kateggoriya de slalom, kon muncha reushita mondiala.
Biografiya
[trocar | trocar el manadero]Fox es djudia,[1] i nasio el 11 de Djunio de 1994 en Marseya, Fransia.[2] Oy endiya, bive en Penrith, Mueva Gales del Sud, Ostralya. Los padres de Fox son Richard i Myriam, los kualos partisiparon endemas komo kanotajistos en los Djuegos Olimpikos; el su padre apresentando al Reyno Unito en los Djuegos Olimpikos de Barselona de 1992 i la su madre en los Djuegos Olimpikos de Atlanta de 1996, en los kualos aresivio la medalya de bronse apresentando a Fransia.
El su padre aresivio un total de 12 medalyas en los Shampiyonatos Mondiales de Kanotaj en la kateggoría de K1, de las kualas 10 son de oro; oy endiya, es el visepresidente de la Federasion Internasionala de Kanotaj, [3] ansina komo el direktor de esportistas de level alto de Australian Canoeing i yego a ser shampiyon mondial 5 vezes. [4] La su madre, Myriam Jérusalmi, es djudia komo el su padre, [5][1] i aresivio en la su karriera esportiva un total de 10 medalyas en los Shampiyonatos Mondiales de Kanotaj en la kateggoría K1, 8 de las kualas son de oro, endemas de la medalya de bronze aresivida en la misma kateggoría en los Djuegos Olimpikos de Atlanta.
Fox eskapo el lisé en la Blaxland High School, i aresivio el primer lugar en Esporte en todo el estato de Mueva Gales del Sud, kon 99.1 puntos. Oy endiya es eleva del Psikolojiya en la Universita de Swinburne, endemas de estar enrejistrada en el programa para esportistos de elite de la Universita de Sydney,[6] en la kuala ambeza djurnalismo. Avla inglez i fransez. [4]
Fox fyesto sus 18 anyadas el 11 de Djunio en Cardiff, Gales, mientres partisipava en un evenemento de la Kupa del Mondo. [7]
Karriera esportiva
[trocar | trocar el manadero]Fox partisipa en evenementos de kanotaj en las kateggoriyas K1 (kayak-1) i C1 (kanadiana-1) i la su madre es la su entrenadora. [2]Eya tuvo el su empesijo en el espor en la anyada de 2005 aziendo kanotaj enel rio Nepean. Oy endiya, partisipa aziendo parte del Penrith Valley Canoe Club.
2009
[trocar | trocar el manadero]En Sietembre de 2009, Fox klasifiko para apresentar el ekip ostraliano en el Shampiyonato Mondial de 2009, el kualo era en Seu de Urgel, Espanya. Diskues se apresento en el turnament de la Federasion Internasionala de Kanotaj de 2009 en Merano, Italia, ande eskapo tresera en la kateggoriya K1.
2010
[trocar | trocar el manadero]Fox arevisio la medalya de bronse enel evenemento de la kateggoriya C1 del Shampiyonato Mondial de Kanotaj de 2010 en Tacen (Ljubljana).[8] En los Djuegos Olimpicos de la Mansevez de Enverano de 2010, organisados en Singapur, aresivio la medalya de oro enel slalom K1 para mujeres. [4] En esta misma anyada, eskapo enel primer lugar en la kateggoriya C1 en la Kupa Mondiala de Slalom de la FIK en Seu de Urgel, Espanya, ansi komo en primer lugar en K1 i C1 enel Shampiyonato Mondial Junior en Foix, Fransia. En 2010, aresivio la medalya de bronse en C1 i el sinkeno lugar en K1 en el Shampiyonato Mondial de Sloka, Eslovakia. En el Oceania Open de 2010, organisado en Penrith, Mueva Gales del Sud, aresivio medalyas de oro en C1 i K1, ansi komo el treser lugar enel shampionato nasional ostraliano en K1 i el shampionato nasional en C1.[2]
2011
[trocar | trocar el manadero]En 2011, Fox aresivio medalyas de oro en C1 en dos evenementos de la Kupa Mondial de Kanotaj.[2]En los shampionatos mondiales de 2011 de Szeged, Madjaristan, eskapo enel lugar 19, kon el kualo aresivio un puesto en los Djuegos Olimpikos de 2012. Esa misma anyada, aresivio medalya de plata en K1 en el Australian Open i en los Shampionatos de Oseania.
2012
[trocar | trocar el manadero]En su debut en los djuegos olimpikos, apresento a Ostralya en la kateggoriya K1 del slalom de mujeres, ganando la medalya de plata. Komo parte de su preparasion a los djuegos, se apresento en evenementos de la Kupa Mondiala de Kanotaj en Gales, Fransia i Espanya, endemás del Shampionato Mondial de Mansevos en los Estatos Unitos d'Amerika. En Djunio de 2012, eskapo sietena en un evenemento de la Kupa Mondiala en Cardiff, siendo la unika ostraliana en yegar ala final i endemas eskapando la kateggoriya C1 de tresera. [9]
En los Djuegos Olimpikos de Londra, Jessica aresivio la medalya de plata en la kateggoriya K1.[10] Enel evenemento de slalom de mujeres K1, Jessica, de edad de 18 anyos, eskapo mas pishin ke la kanotajista sheka Štěpánka Hilgertová, la kuala gano ala su madre, Myriam, en la final de medalya de oro de K1 en los Djuegos Olimpikos de Atlanta en 1996, endemas de amijorar el tiempo de la su madre, la kuala eskapo kon medalya de bronse en Atlanta 1996, i el katreno lugar del su padre en Barselona 1992; estos enrejistros izieron ke los djurnalistos la yamasen "Silver Fox". [11]
2013
[trocar | trocar el manadero]Fox aresivio el titolo de la Kupa del Mondo de 2013 en la kateggoriya C1, endemas de las medalyas de oro en la kateggoriya C1 individuala i por ekip en el Shampiyonato Mondial de Kanotaje de 2013, en Praga, Repuvlika Sheka.
2014
[trocar | trocar el manadero]Fox aresivio medalya de oro en las kateggoriyas C1 i K1 enel Shampiyonato Mondial de Kanotaj, el kualo era en Deep Creek Lake, Estatos Unitos.
2015
[trocar | trocar el manadero]En 2015, Fox aresivio la medalya de oro tanto en individuala komo en elip enel Shampiyonato Mondial de Kanotaj de 2015 de la kateggoriya C1, en la sivdad de Londra. [12]
Medalyas internasionalas aresividas
[trocar | trocar el manadero]| Djuegos Olimpikos | |||
|---|---|---|---|
| Anyo | Lugar | Medalya | Kateggoriya |
| 2012 | Londra .svg){kind=small}
|
|
K1 individual |
| Shampiyonato Mondial | |||
| Anyo | Lugar | Medalya | Kateggoriya |
| 2009 | Seu de Urgel 
|
|
C1 individuala (Demostrasion) |
| 2010 | Ljubljana 
|
|
C1 individuala |
| 2011 | Bratislava 
|
|
C1 en ekip |
| 2013 | Praga 
|
|
C1 individuala |
| 2013 | Praga
|
|
C1 en ekip |
| 2014 | Deep Creek 
|
|
K1 individuala |
| 2014 | Deep Creek
|
|
C1 individuala |
| 2015 | Londra
|
|
C1 individuala |
| 2015 | Londra
|
|
C1 en ekip |
Referensias
[trocar | trocar el manadero]- ↑ a b Jewish Aussie 'Flying Fox' wins Olympic silver; Jessica Fox, Australian-Jewish kayaker, wins silver medal in London, 16 years after her mother won bronze in Atlanta. Haaretz (en lingua inglesa)
- ↑ a b c d AIS Canoeing — Slalom — Jessica Fox (K1/C1). Canoe.org.au
- ↑ ICF — Board of Directors
- ↑ a b c Jessica Fox: at home in water. Penrith Star
- ↑ Jews in the News: Andy Samberg, Seth Rogen and Henry Winkler
- ↑ Sydney Uni Olympians take medals at London 2012
- ↑ Encouraging signs for young Fox — London 2012 Olympic Games (Australian Broadcasting Corporation)
- ↑ ICF Canoe Slalom World Championships SLOKA 2010
- ↑ FLORENCE TRIUMPHS IN CARDIFF - Sporting Life; London 2012, Olympic kit, Olympic tickets]
- ↑ «Jessica Fox» en Sports-Reference.com (SR/Olympic Sports) (en lingua inglesa).
- ↑ Fearless Fox rises from depths to win silver
- ↑ «Jessica Fox» en CanoeResults.eu (en lingua inglesa).