Karl Marx

de Vikipedya, la ansiklopedya líbera
Saltar a: navigación, buxcar
Karl Marx

Karl Heinrich Marx, era un intelektual, filosofo i endemas ideologo komunista almán de orijin djudio. Kon las sus ideas yegó a la filosofiya, la istoria, la sosiolojiya i la ekonomiya. Endjunto de Friedrich Engels, es el padre del sosializmo sientifiko. Sus ovras más konosidas son el Manifiesto del Partito Komunista (eskrito endjutamente kon Engels) i El Kapital. Fue myembro fondador de la Liga de los Komunistas (1847-1850) i de la Primera Internasionala (1864-1872).

Biografiya[trocar | editar código]

Karl Marx era el trescero de syete ijos de una famiya djudia de klase midia. El su padre, Herschel Mordechai (dempues yamado Heinrich) Marx, el kualo era de una famiya de hahamim, lavorava komo avokato en Trier, en Almania. Las autoridades de Prusia le tinian defendido lavorar komo avokato por ser djudio i antonses se konvirtio al kristyanizmo para puede sigir lavorando en Renania. Su madre era Henrietta Pressburg, nasida en los Payises Bashos, i sus ermanos eran Sophie, Hermann, Henriette, Louise, Emilie i Caroline.

Karl estudio dirito en la Universita de Bonn ma los deshó para ambezar filosofiya en Berlin. Se izo doktor en 1841 en Jena kon una tesis kon el titolo de Diferensia entre la filosofiya de la natura de Demókrito i la de Epikuro. Dempues lavoró kon Bruno Bauer en el Rheinische Zeitung i asta yegó a ser el redaktor shefe.



Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.