Kinezo tradisional

Un artíkolo de la Vikipedya, la ansiklopedya líbera

Se yama kinezo tradisional (繁體中文 o 繁体中文 en kinezo simplifikado; en pinyin fán tǐ zhōng wén) o hant asigun ISO 15924) al grup de karakteres uzados para eskrivir en la lingua kineza ke egzisten desde antes de los trokamientos echos por el governo de la Repuvlika Popular de Kina kon el buto de simplifikar la su eskritura a partir del anyo 1956.

Diskués de estos trokamientos, egzisten dos formas standard de eskrivir la lingua kineza. Mientres ke en la Kina kontinentala, Singapur i Malasia es uzado el kinezo simplifikado, el kinezo tradisional es ainda uzado en Taiwan, Hong Kong, Makao i endemas en payises ande egzisten komunitas de kinezos, komo Estados Unidos, Peru, Kanada i otros.

Estos karakteres tradisionales son yamados en lingua kineza fántǐzì (繁體字 / 繁体字), ke sinyifika literalmente "karakteres kompleksos". Espesialmente en Taiwan, algunas personas konsideran ke estos karakteres tradisionales no son "kompleksos", ma es la eskritura ortodoksa, por lo kualo uzan el biervo zhèngtǐzì (正體字, 正体字), ke sinyifika "karakteres kon forma korrekta". El biervo uzado jeneralmente en Oksidente, "karakteres tradisionalos" es muncho más neutro, deke no tiene dinguna kualikifasion de los dos biervos kinezos.

Ver endemas[trocar | trocar el manadero]