Pinyin

de Vikipedya, la ansiklopedya líbera
Saltar a: navigación, buxcar

El hànyǔ pīnyīn (kinezo tradisional:語拼音, kinezo simplifikado:汉语拼音, deletreo [fonétiko] de la lingua del puevlo Han), o Deletreo Han, normalmente yamado pinyin es el sistema de transkripsion fonetika de la lingua kineza (hànyǔ) rekonosido komo ofisial en la Repuvlika Popular de Kina. En lugar de uzarse los karakteres kinezos (los kualos jeneralmente no dan informasion ensima de la pronunsiasion), se uzan letras del alefbet latino para eskrivir fonétikamente los biervos en la lingua kineza. Este sistema aze kolay a los ke no konosen la eskritura kineza i endemas es uzado para meter karakteres kinezos en un komputer a traverso de software espesialmente desinyado para esto.

Enel anyo 1979, la ISO dechidió tomar el pinyin komo el sistema de romanizasion standard de la lingua kineza. Oy endiya, el hànyǔ pīnyīn es el sistema de transkripsion mas uzado para esta lingua, ma egzisten otros sistemas. El sistema pinyin tiene un komplekso sistema de sinyos diakrítikos para markar los tonos; endemas, tiene reglas ke dechiden si dos o más biervos kalen ser eskritos endjuntos o separados.

Ver endemas[trocar | editar código]

Atamientos eksternos[trocar | editar código]