Mishkita

Un artíkolo de la Vikipedya, la ansiklopedya líbera

Una Mishkita, Mezkita o Djamí es un lugar de arrogamiento para los sigidores de la fe islamika. Los musulmanes jeneralmente se refieren a las mezkitas por el su nombre en arabo, masŷid (en arabo مسجد, en plural masāŷid, مساجد). La palabra "mezkita" se usa en djudeoespanyol para referirse a todo tipo de fráguas dedikadas al arrogamiento musulman, pero en arabo egziste una diferensia entre las mezkitas, más chikas, i las mayores, de uzo komunitario o masŷid ŷāmiʿ, مسجد جامع en arabo o mezkita aljama, ke tienen mas servisios sosyales i komunitarios. Las mishkitas tienen el su orijin en la Peninsula Araba, ma endágora egzisten en los sinko kontinentes. A las mishkitas se les konsidera la amijor mostra de la arkitektura islamika.

Mishkita Rey Fahd ben Abdelaziz Al Saud, en Jibraltar

El buto prinsipal de la mishkita es servir de lugar ande los musulmanos puedan reunirse para meldar. Desde el punto de vista de la su arkitektura, las mishkitas an trokado la su apariensia muncho desde los espasios al ayre libero, komo eran enel su momento las de Quba i Masŷid an-Nabawī en el syéklo VII, má oy endiya la mayoría de las mishkitas tienen kúpolas elaboradas, minarés i kamaretas para arrogar.

Enfluensia saudí[trocar | trocar el manadero]

La Mishkita Faisal en Islamabad, Pakistan, desinyada por el arkitekto turkano Vedat Dalokay, fue finansiada enel anyo 1976 kon 130 milyones SAR (120 milyones US$)[1] por el Reyno de Arabia Saudí.

Afilú la implikasiyon de Arabia Saudita en mishkitas de todo el mundo tiene el su empesijo la anyada de los '60, no fue asta má avansado el syéklo XX kuando el govyerno de este paez empiesó a tener una gran enfluensia en las mishkitas de otros payises.[2] Desde empesijos de la anyada de los '80, el govyerno saudí empiesó a finansiar el fraguamyénto de mishkitas en payizes de todo el mundo. Se kalkula ke unos 45 mil milyones de dólares amerikanos uzados para finansiar mishkitas i eskolas islámikas otros payizes salió de las arkas saudis. ʿīnu l-Yaqīn, un djurnal saudí, informaba enelanyo 2002 ke estos fondos pudieron ayudar enel fraguamyénto de unas 1.500 mishkitas i 2.000 sentros islámikos de otro tipo, espesialmente en akeyos payizes en los kualos los musulmanos son menoriya.[3] Alkunos sivdadanos saudis kontribuyen kon mishktias en otros paezes, espesialmente en akeyos ande los musulmanes son proves i tienen pokos diritos sosyales. Dempues del fin de la Union Sovyetika, en 1992, las mishkitas de Afganistan resivyeron grandes kantidás de dinero de sivdadanos saudís. La Mishkita del Rey Fahd, en Culver City, Kalifornia i el Sentro Kultural Islámiko de Italia, en Roma, representan dos de las mayores inversioynes de Arabia Saudita en mishkitas de otros payizes, ya ke el anterior rey saudí Fahd bin Abdul Aziz al-Saud aportó a estas mishkitas 8 i 50 milyones de dólares,[4] respektivamente.


Referensias[trocar | trocar el manadero]

  1. King Faisal Mosque in Islamabad|
  2. U.S. Eyes Money Trails of Saudi-Backed Charities. Djurnal The Washington Post
  3. The Saudi Connection. Djurnal U.S. News and World Report
  4. Islamic Center in Rome, Italy. King Fahd bin Abdul Aziz Web site
Commons Wikimedia Commons alberga kontenido multimedia sovre Mishkita