Mishna

Un artíkolo de la Vikipedya, la ansiklopedya líbera
Final de pájina de la Mishná

La Mishna (del ivrit מִשְׁנָה, "estudio, repetisiyon"), es un kuerpo eksehétiko de leyes djudias kompiladas, el kualo arikoje i konsolida la tradisiyon oral djudia dezvelopada durante syéklos desde los tyempos de la Tora o ley eshkrita, i asta la su kodifikasiyon por parte de Rabí Yehuda Hanasi, asia fines del syéklo II.

El corpus iuris yamado Mishná, es la baza de la ley djudia oral o rabinika, la kuala kondjuntamente kon la Tora o ley eshkrita, konforman la Alaha. A la su vez, la Mishná fue ampliada i komentada durante tres syéklos por los hahamim de Babilonia —la Gemara—, myentras kualo la Mishná orijinala i la su ekséjesis o Gemará, resivieron kondjuntamente el nombre de Talmud.

Estruktura de la Mishná[trocar | trocar el manadero]

La Mishná está ehskrita komo pesukim chikos en ivrit, yamados mishnayot (מִשְׁנָיוֹת; singular mishnayá, diminutivo de Mishná), las kualas klasifikan, resumen i konsolidan las munchas leyes orales dezvelopadas i komentadas por los sabios de la époka, los tanaím (del arameo תַּנָּאִים; singular taná, kon el mismo signifikado ke Mishná). Las mishnayot se agrupan en 527 kapitolos (פְּרָקִים, perakim; singular pérek), y éstos, en seksiyones o masehtot (מַסֶּכְתּוֹת; singular maséhet). Todos eyos, konforman los sesh livros en los kualos la Mishná se divide —kada uno de eyos yamado Séder (סֵדֶר, "orden")— i los kualos komprenden kaji todos los ámbitos de la alahá djudia:

  • Zeraim (זְרָעִים, "semiyas"): preseptos relasionados kon el lavoro de la tyérra.
  • Mo'ed (מוֹעֵד, "festividades"): leyes sobre fiestas djudias, shabat i taaniot.
  • Nashim (נָשִׁים, "mujeres"): preseptos referentes a la vida matrimonial.
  • Nezikín (נְזִיקִין, "danyos i perjuisios"): kompila la alahá referente al dirito sivil i komersial.
  • Kodashim (קֳדָשִׁים, "santidades"): leyes relijiosas sovre el Bet Amikdash
  • Tearot (טְהָרוֹת, "purifikasiyon"): preseptos referentes a la purifikasiyon rituala del korpo (Nidá).

Egzisten dos versiyones del Talmud, el Yerushalmi i el Babli, están egualmente ordenados sigiendo el orden de los sesh mensionados livros, en tanto los hahamim de la epoka del Talmud, los amoraim (אָמוֹרָאִים, "komentaristas") presisamente komentaban i dishkutían en arameo kada pasuk o mishnayá, asta yegar a un akódro aserca de la ley respektiva.

Los komentarios no inkluidos en la Mishná, son yamados braitot (בְּרַיתוֹת; singular braita; arameo, "eksterno"); munchas de eyas fueron también komentadas i ampliadas en el Talmud.

Ver endemas[trocar | trocar el manadero]

Enlasos eksternos[trocar | trocar el manadero]

Commons Klika akí para ver las imajes de Commons ensima de Mishna.