Talmud

de Vikipedya, la ansiklopedya líbera
Saltar a: navigación, buxcar
Primera oja del Masehet Berahot del Talmud Bavli (Edisyon de Vilna).

El Talmud (התלמוד) es una ovra en la kuala se endjuntan todas las diskusyones de los muestros hahamim ensima de la Alaha, tradisiones, kostumbras, istoryas i leyendas. El Talmud es konosido deke amostra todas las opiniones a traverso de un estil asosiativo, en forma de demandas, produkto de una eskritura en grup. Munchas vezes esta eskritura aze ke las repuestas esten en kontro una de otra.

Mas ke un solo Talmud se puede avlar de dos:

  • El Talmud de Yerushalayim (Talmud Yerushalmi), el kualo fue eskrito en la mueva provinsia romana de Philistea;
  • El Talmud de Babilonia (Talmud Bavli), el kualo fue eskrito enel egzilio babiloniko.

Tanto el Talmud Bavli komo el Yerushalmi fueron eskritos durante varios syeklos por munchos hahamim de munchas akademias relijiozas (yeshivot) de la antikita.

El djudaismo konsidera al Talmud la tradision avlada, mientres ke la Tora es konsiderada komo la tradision eskrita. El Talmud muchigua, da mas informasion i komplementa la konosensia al Tanah, ma no puede estar en kontro de la Tora. El paradigma de la alaha ("ley djudia") pone ala Tora enriva del Talmud.

Ver endemas[trocar | editar código]