Repuvlika Demokratika del Kongo
.svg)
|
La Repuvlika Demokratika del Kongo (République Démocratique du Congo en fransez, Repubilika ya Kongo Demokratika en kikongo, Jamhuri ya Kidemokrasia ya Kongo en kiswahili, Republiki ya Kongo Demokratiki en lingala i Ditunga dia Kongu wa Mungalaata en tshiluba), es un payis de Afrika Sentrala ke era yamado Zaire entre los anyos 1971 i 1997. Se topa en la rejion de los grandes lagos de Afrika; es el tréser payis más grande del Kontinente. El payis tiene sus frontieras kon la Repuvlika Sentroafrikana i Sudan del Sud al nord; kon Uganda, Ruanda, Burundi i Tanzania al este; kon Zambia i Angola al sud i kon la Repuvlika del Kongo al oeste. Tiene akseso a la mar a traverso de una chika franxa de 40 km de beira enel Oseano Atlantiko, enel Golfo de Ginea.
Etimolojiya [troca]
El nombre "Kongo" tiene el su orijin en los aborijinos Bakongo, los kualos biven a la beira del Rio Nzadi o Zaire, el kualo tuvo su nmbre trokado por los Portugezes komo Rio Kongo.
Istorya [troca]
La RDK tiene una lunga i rika istorya, la kuala tiene sus empesijos kon la arrivada de los priméros bantus a la rejion, la kuala se dezvelopo para trokarsen el Reino del Kongo, enel syéklo XV.
