Afrika

de Vikipedya, la ansiklopedya líbera
Saltar a: navigación, buxcar
LocationAfrica.png

Afrika es el tréser kontinente en ekstensiyon. Limita al nord kon la Mar Mediterraneo, al oksidente con el Oseano Atlantiko i al oryente kon la Mar Kolorada, el Oseano Indiko i Asia al este a traverso del kanal de Suez. Anke tiene una superfisie total de 30.272.922 km2, la kuala representa el 22% del total de la tierra, la povlasion es de tan sólu 910.844.133 abitantes,africanos america o djente chikolata menos del 16%. El kontinente se organisa en 53 payises, siendo todos eyos myémbros de la Union Afrikana, kon eksepsiyon de MarrokMarrokoo.

Istorya[trocar | editar código]

Máskara del faraon Tutankamon, en la ke el rey-ninyo aparese tokado kon el Nemes

Se kree ke el sud o el oryente de Afrika es el sitio de orijen de la Umanidad i de allí proseden las espesies de omínidos i antropoides ke dieron lugar a los seres umanos i ke se an ido ekspandiendo por el resto de kontinentes, inkluyido el Homo sapiens sapiens ase kaji 190.000 anyos.

Asta los primeros syéklos de la era kristyána la istorya del Afrika del Nord se mistura kon la de la Mar Mediterraneo. Entre tanto, las rejiones del Afrika Subsahariana biven dezvelopamientos diferentes entre eyos.

Asigun el istoryador grégo Eródoto (484 a.E.K.), una ekspedisyon fenisia auspisiada por el faraon Nekao (616 a.E.K.) navego por tódu el kontinente afrikano por prima ves.

Los orijenes del trafiko komersial entre el oksidente i el sentro de Afrika i la kosta de la Mar Mediterraneo se pierden en la pre-istorya. Los primos relatos kuentan de los nomadas ke organisaban el komersio entre Leptis Magna i el Chad. Este komersio iva bivir el su primer auge en el syéklo I a.E.K. kon el kresimiento del Imperio Romano. Sobre tódu se merkaba kon oro, esklavos, marfil i animales eksótikos para los djuegos de sirko en Roma en tróko kon bienes de lukso de Roma. De fákto es en esta époka en la ke nase el própio nombre de Afrika. Dempues de la derrota de Kartago por Roma en la Treséra Gerra Púnika se va establese la provensiya romana de Afrika ke iva abarkar kaji la Tunesia de oy endia. Al kreser la provensiya fue lo ke dio nombre a tódu el kontinente. Una emportansia tuvo tambien el mayor uzo del gameo a partir del syéklo I en el nord de Afrika.

A partir del syéklo VII los arabos ivan invadir Afrika del Nord. El komersio de karavanas I la ekspansiyon islamika alimentan el establesimyénto de muevas relasiones entre las "dos Afrikas".

El Imperio Kanem-Bornu iva egzistir en Afrika entre el syéklo XIII i los anyos 1840. En el su momento de mayor esplendor iva abarkar el area de lo ke oy endia es el sud de Libia, Chad, nordeste de Nijeria, oryente de Nijer y nord de Kamerun.

El Reyno del Kongo fue un estado ubikado en lo ke oy endia es el nord de Angola, Cabinda, la Repuvlika del Kongo y la parte oksidental de la Repuvlika Demokratika del Kongo. La su esfera de influencia iva yegar endemas a los estados serkanos.

La total repartisiyon de Afrika por las potensias evropeas, inisiada a partir del syéklo XVII tuvo lugar, en 1885, kon la Konferensia de Berlin I el empiese de la Priméra Gerra Mundial, en la kuala los imperios koloniales se ivan ekstender má pishín en Afrika ke en kualos kiera otro lugar del mundo, si bien dos payises, Liberia i Etiopia, ivan konsigir mantener la su independensia. Es un egzemplo del Muevo Imperialismo jenerado por la nesesidad de los payises evropeos de obtener materias primas para el pishín kresimiento de la su produksiyón endustrail dempués de la Revolusiyon Endustriala, empesada en Inglaterra a fines del syéklo XVIII.

Al final de la Sigunda Gerra Mondiala los aliados no ivan konsigir ponerse de akódro sobro del futuro de la antika kolonia italiana de Libia. En este momento es un territorio má de sinko vezes mayor ke la própia Italia. Afilu la su povlasyon no sobrepasa el milyón de abitantes, por lo ke iva representaba un destino apropiado para la poblasión desplasada de Italia por la gerra, ke empeso a prokurar lugares a los kualos emigrar. Las diferensias entre el Oksidente y la Union Sovyetika (URSS) asen ke finalmente la Organisasiyon de las Nasiones Unidas (ONU) iva desidir dar la independensya al payis deshándolo en manos del rey Idris.

Ansina Libia se iva trokar en la prima kolonia afrikana en konsigir la su independensia, en 1951, a la ke iva sigir la de Ghana en 1957. Más adelántre las potensias evropeas ivan lamentar este fákto, pues iva kontribuyir a aktivar las diferentes lutas por la independensia afrikana. Endemás, ivan perder para eyos la ultima oportunidad de konstruyir un estado evropeo en el la kosta sud de la Mar Mediterraneo

Jeografiya[trocar | editar código]

Afrika es kaji toda una enorme i antika plataforma kontinental masisa i kompakta, elevada entre 600 i 800 msnm, krusada por grandes rios (afilu pokos) i kaji sin aksidentes jeografikos.

Tres bandas klimatikas sigidas se van repetir al nord I al sud del Ekvador, kon klimas mediterraneo, desértiko, subtropikal i tropikal luvioso, este ultimo, tanto de sabana komo de selva. Afrika es el kontinente kon el ma alto índize de oras de sol al anyo, el kualo puede ser el orijin del su nombre (Afrika, del latín ‘sin frío’).

El suelo es riko en minerales i kon munchas yanuras ande no se ankontra la moska tsetsé. Las prinsipales rejiones sembradas se ankontran en las tierras altas oryentalas i en la rejion de los Grandes Lagos, alkunos deltas i beiras de rios i afilu en el Sahel.

Prinsipales ekosistemas[trocar | editar código]

Prinsipales isolas i arkipélagos[trocar | editar código]

Prinsipales rios[trocar | editar código]

Division politika[trocar | editar código]

Mapa de Afrika con las frontieras politikas i los prinsipales rios i lagos del kontinente

Afrika esta konformada por 53 payises independientes, 17 dependensias i 6 territorios no rekonosidos.

Payises independientes[trocar | editar código]

Flag of Angola.svg Angola Flag of Algeria.svg Arjelia Flag of Benin.svg Benin Flag of Botswana.svg Botsuana
Flag of Burkina Faso.svg Burkina Faso Flag of Burundi.svg Burundi Flag of Chad.svg Chad Flag of Djibouti.svg Djibuti
Flag of Egypt.svg Ejipto Flag of Eritrea.svg Eritrea Flag of Ethiopia.svg Etiopia Flag of the Comoros.svg Isolas Komoras
Flag of Gabon.svg Gabon Flag of The Gambia.svg Gambia Flag of Ghana.svg Ghana Flag of Guinea.svg Ginea
Flag of Guinea-Bissau.svg Ginea-Bissau Flag of Equatorial Guinea.svg Ginea Ekuatoriala Flag of Cape Verde.svg Kabo Védre Flag of Cameroon.svg Kamerun
Flag of Kenya.svg Kenia Flag of the Republic of the Congo.svg Kongo Flag of Côte d'Ivoire.svg Kosta de Marfil Flag of Lesotho.svg Lesoto
Flag of Liberia.svg Liberia Flag of Libya.svg Libia Flag of Madagascar.svg Madagaskar Flag of Malawi.svg Malaui
Flag of Mali.svg Mali Flag of Morocco.svg Marroko Flag of Mauritius.svg Maurisio Flag of Mauritania.svg Mauritania
Flag of Mozambique.svg Mosambiko Flag of Namibia.svg Namibia Flag of Niger.svg Nijer Flag of Nigeria.svg Nijeria
Flag of the Central African Republic.svg Repuvlika Sentroafrikana Flag of the Democratic Republic of the Congo.svg R. D. del Kongo Flag of Rwanda.svg Ruanda Flag of Sao Tome and Principe.svg Santo Tomé i Prinsipe
Flag of Senegal.svg Senegal Flag of Seychelles.svg Seychelles Flag of Sierra Leone.svg Sierra Leona Flag of Somalia.svg Somalia
Flag of South Africa.svg Sud-Afrika Flag of Sudan.svg Sudan Flag of South Sudan.svg Sudan del Sud Flag of Swaziland.svg Suazilandia
Flag of Tanzania.svg Tanzania Flag of Togo.svg Togo Flag of Tunisia.svg Tunesia Flag of Uganda.svg Uganda
Flag of Zambia.svg Zambia Flag of Zimbabwe.svg Zimbabue

Territorio nasional de payises no afrikanos[trocar | editar código]

Territorios no rekonosidos[trocar | editar código]

Ekonomiya[trocar | editar código]

Imajen de satélite del Kanal de Toshka el 26 de Jenero del anyo 2003

La mayor parte de los payises afrikanos mantienen relasiones komersiales i ekonomikas kon las sus antikas potensias kolonialas de la Union Evropea (UE).

Egziste una organisasion paresida a la Union Evropea, yamada Union Afrikana, de la ke forman parte todos los payises del kontinente eksepto Marroko, inkluyida la Repuvlika Araba Saharaui Demokratika. La mayor parte de los payises afrikanos están subdezvelopados o en vias de dezvelopamiento.

Demografiya[trocar | editar código]

Las estimasiones sobre la poblasion no son presisas déke lo antiko munchos sensos nasionalos, se kree ke biven en Afrika no menos de 800 milyones de personas.

En Afrika la mayor parte de la povlasion es del tipo preto o rasa preta, serka de un 80% del total de la povlasion, kon eksepsion de la kosta de la mediterránea donde la mayoria son del tipo umanos arabo-bereberes i kavkazoides-mediterráneos. Entre el Trópiko de Kaprikornio i el Trópiko de Kánser la povlasion es kaji en la su totalidad preta, ke esta dividida en katro grupos prinsipalos, los ke son: Sudanez (Sahel i payises del Golfo de Ginea), Nilótiko (Nilo, desde Sudan asta los Grandes Lagos), Kushitiko (Meseta Etiope i Kuerno de Afrika) i Bantu, ke okupa toda el area desde las sharás ekvatorialas asia el Sud del kontinente, relasionado kon dos grupos muy chikos; los Twa i otros grupos mal yamados pigmeos, abitantes de los boskes i los Kung-San mal yamados boskimanos de las rejiones áridas del ekstremo sud del kontinente.

Migrantes de orijin franses se ankontran en el Magreb i pokos en las grandes sivdades de Afrika Oksidentala, los de orijin espanyol en Marroko i el Sáhara Oksidental, mientras ke en Angola i alkunas sivdades kosteras de Afrika Oksidentala, egziste un numero menoritariyo de grupos misturados de orijien Afrikano-portugezo i libanesos. Enel sud de Afrika, ivan yegar kolonos Neerlandezes los kualos, misturados kon almanes y Ugonotes franseses konforman los bóers, los kualos tienen mas de 400 anyos en el kontinente, el kualo konsideran tan próprio komo los afrikanos pretos. En Sud-Afrika i en Namibia los blankos konforman menoriyas emportantes, de un 14% en Sud-Afrika i un 6% en Namibia. En Zimbabue los kolonos inglezos tambien konformaban una menoriya emportante fina los diyas de Rhodesia del Sud, anke dempues ivan emigrar a Sud-Afrika, Ostralya, Reyno Unido, Mueva Zelanda i Kanada, i sólu keda un 3% de blankos evropeos en el payis.

Karakterístikas de la povlasion[trocar | editar código]

En Afrika las karakterístikas de la povlasion i la su esperansa de vida va trokar asigún las kondisiones. En Afrika del Nord i enel Sahara, la mayor parte de los sus abitantes son adultos i superan a la povlasion de mansevos, anke no egziste un envejesimyento progresivo. Enel Afrika subsahariana la mayor parte de los sus abitantes son mansevos, anke en los anyos má resientes la povlasion adulta esta kresiendo. Esto se da prinsipalmente en payises komo Etiopia i Somalia, anke en Sud-Afrika tambien egziste un kresimyénto de povlasion adulta afilu tambien de la povlasion de mansevos, i la egzistensia del SIDA en munsha de la povlasion las va redusir. Endemas, regularmente el kontinente pasa por krisis de alimentos.

Relijión[trocar | editar código]

Artikolo prinsipal: Relijión en Afrika
Bandiera Vudu.

Muncha jente en el kontinente sige relijiones trasidionales afrikanas, konosidas komo animistas. Estas kreensias se dan basho relijiones universals komo el Islam o el kristianismo, a los ke misturan kon las sus kreensias tradisionales.

El Islam domina en el Nord y tiene presensia emportante en el Sahara, el Sahel, Afrika Oksidentala i Afrika Oryentala. El kristianizmo monofisita, anke mas antiko ke el Islam, sólu egziste en Etiopia, Eritrea i en menoriyas kóptikas en Ayifto. Dempues del arribo de los kolonos de Evropa, ivan surjir el katolisismo i protestantismo.

Afilu tanto el Islam komo el kristianizmo se ankontran en el kontinente kon sinkretismos komo el Kimbangizmo o la Kilisia Kristiana Selestiala, las kualas kresen shukur a los konseptos de las relijiones tradisionales afrikanas; estas tambien tienen una presensia destakada en Amerika, espesialmente el Vudu en Ayti, la relijion Yoruba i las relijiones del antiko Reyno del Kongo en el Karibe i en Brasil prinsipalmente.

Egzisten endemas minoriyas induistas, sobre todu en Sud-Afrika i en sivdades de la payises ke tienen beiras enel Oseano Indiko, komo Mombasa, Dar es Salaam, Malindi, Nairobi, Durban, Pietermaritzburg, Maputo, Toamasina, Antsirabé, Dodoma i espesialmente en la isola de Maurisio i en la wilaya de ultramar fransesa de Reunion.

Ver endemas[trocar | editar código]

Atamientos eksternos[trocar | editar código]

  • Ikuska.com (portal kon informasion detalyada sobro de los puevlos i kulturas de Afrika).
Habéres
Direktorios
Politika
Asosiasiones i ONG ke dan ayudo en Afrika
Commons-logo.svg
Wikimedia Commons alberga kontenido multimedia sovre Afrika