Tel Aviv

Tel Aviv - Yafo
תל אביב-יפוֹ
تَلْ أَبِيبْ يَافَا

Paez

Israel

Pozision

31°47' N 35°13′ E

• Altura

760 msnm

Superfisie

50,553 km²

Fundación

1909

Povlasion

382.500 ab. (2007)

• Densidad

6498 ab./km²

Djentilisio

n/a

Alkalde

Ron Huldai, Partido Lavorista

Pajina web

http://www.tel-aviv.gov.il

Tel Aviv-Yafo (en ebreo תל אביב-יפו, en arabo تل ابيب-يافا Tal Abīb-Yāfā), es la mas grande sivdad de Israel, la sivdad mas importante del area metropolitana konosida komo Gush Dan (גוש דן), con 3.150.500 abitantes. Tel Aviv esta konsiderada komo kapital por la mayoria de la komunidad internasional, es el sede de munshas ambasadas. Tel Aviv fue establezida en Djulio del anyo 1906, mas fue fundada ofisialmente el segundo dia de Pesah de 1909. El su alkalde es Ron Huldai, del Partido Lavorista.

[troca] Orijen del su nombre

El su nombre signifika en ebreo, la kolina (Tel) de la primavera (Aviv), en akodramiento del livro ke eskrivio el fondador del zionismo politiko, Theodor Herzl, Altneuland, (Vieja Tyerra Mueva, en almán). Tel Aviv es tambien el nombre de una sivdad de la Babilonia (Ezekiel 3:15) en la ke vivian egzilados djudios en la epoka del profeta.

[troca] Istorya de la sivdad

La sivdad fue establesida en la Konvension de Djudios de Jaffa, ke tuvo lugar en Djulio del anyo 1906, en la ke motivados por la basha kalidad de vida de los djudios de disha sivdad, a la ke se adjustaba el dekreto konosido como Muhram, según el ke los abitantes djudios de Jaffa devian kambiar de kaza todos los anyos i ansina no tener residensia permanente.

Para el anyo 1909 se merkaron los tyerrenos para komensar la konstruksion de la mueva sivdad, la ke deberia siguir las lineas arkitektonikas del movimento Garden City ingles, kon la intension de krear una sivdad modérna, espasiosa i kon munshos espasios vedres, ke podria ofreser una alternativa a la atestada sivdad araba de Jaffa. Los primeros terrenos adkiridos eran en 60 parselas, las ke fueron espartidas entre las famiyas interesadas el dosen dia de Pesah del anyo 1909, dáta adoptada komo el aniversário ofisial de la sivdad.

Plaj de Tel Aviv

La siudad se konvirtio en el egzemplo de la modernidad i del sionismo laiko en Yisrael, i es el nukleo de la Sona Sentral del paez o Gush Dan, donde se konsentra la mayor kantidad de poblasion. Algumos anyos dospues, la sivdad fue unifikada kon la sivdad de Jaffa, yamandola Yafo en ebreo i formando oy un solo munisipio.