Şafak Pavey
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
.jpg)
Şafak Pavey (nasida el 10 de Djulio de 1976 en Ankara)[1] es una diplomatika turkana, eskritora de artikolos para djurnales i politika, ke apartiene al prinsipal partido de opozision del payis, el Partido Popular Repuvlikano (CHP).[2] Es la primera mujer empedida elejida en la istorya del payis ala Gran Asamblea Nasionala de la Turkiya i endemas apartiene al Komite de las Nasiones Unidas para los Diritos de las Personas Empedidas.[2][3] Enel anyo 2012 Pavey era onorada por el Departamento de Estado de los Estados Unidos kon el Premio Internasional ala Mujer Korajoza.[2][4]
Eya demisyono al su lavoro komo deputada al parlamento turkano en Sietembre de 2017, por modre de la su hazinura.[5]
Biografiya[trocar | trocar el manadero]
Pavey nasio el 10 de Djulio de 1976 en Ankara, ija de Şahin i Ayşe Önal, una konosida djurnalista i eskritora turkana. En 1984, bivio en Suisa kon el su espozo, kon el buto de ambezar arte i filmo. Enel anyo 1996, pedrio un braso i una pierna por kavza de un aksidente de treno en Zurich. Un anyo diskues del aksidente, dechidio ambezar relasiones internasionalas en la Universita de Westminster en Londra, i eskapo el su mestrado en la London School of Economics,[6] ande lavoro ensima de los diritos de las minoriyas reljiozas en payises musulmanos.[7]
Kariera[trocar | trocar el manadero]
Pavey lavoro enel Buro del Alto Komisionado de las Nasiones Unidas para los Arifujiados, lavorando kon el ayudo para payises komo Arjelia, Ayifto, Iran, Afganistan, Libanon i Aram. Diskues lavoro komo la avladora de la UNHCR para Evropa Sentrala en Madjaristan i diskues, era la shefa del buro del Akodro de Diritos Umanos enel Buro del Komisionado de las Nasiones Unidas para los Diritos Umanos.[8][9]
Mientres lavorava para el UNHCR, lavoro eskriviendo artikolos para el djurnal semanal en turkesko i ermeni Agos, i eskrivio tres livros. Tiene lavorado prodjektos kon la Universita de Harvard, la Royal Academy of Arts en Londra i el Konsejo de Desen de Norvedjia lisionados kon desen de fraguas inklusivos de personas empedidas. El su livro, 13 Numarali Peron (Platforma numero 13), enel kualo avla ensima del su aksidente de treno, eskrito kon el ayudo de la su madre Ayşe Önal, yego a ser un best-seller en la Turkiya. Endemas, lavoro kon la iraniana Shirin Ebadi enel su livro "Refugee Rights in Iran".[10]
Diskues de kinze anyadas biviendo en otros payises, abolto ala Turkiya en 2011, i dechidio azer kampanya para ser elejida al parlamento. Desho el su lavoro kon las Nasiones Unidas en 2012 i era elejida diputada por el vilayet de Estambol, aziendo parte del Partido Popular Repuvlikano, yegando a ser la primera mujer empedida del payis en apartener al parlamento turkano.[11] Komo parte del su lavoro enel parlamento, azia parte del Komite Union Evropea-Turkiya de Aksesion, el Komite Parlamentario Union Evropea-Turkiya i la viseprezidenta del grup de amistad kon Korea del Sud. Era elejida una de las vise-prezidentas del CHP, responsavle de las politikas sosyalas i ambientalas. Kuando entro ala Gran Asamblea Nasionala de la Turkiya, alkunos diputados del partido de governo AKP la atakaron deke eya uzava fostan, i esto djenero una diskusyon enel parlamento ensima del dirito de las mujeres enel parlamento a vistir fostan, [12] deke el governo tenia defendido uzar fostan.[7]
Onores[trocar | trocar el manadero]
- Premio Internasional ala Mujer Korajoza del anyo 2012. [2]
- Manseva del Anyo de la Junior Chamber International[13]
- Sekularista del Anyo 2014, aresivido de la Sosyete Nasionala Sekularista del Reino Unido[14]
Famiya[trocar | trocar el manadero]
D'akodro kon el djurnal Hürriyet, la madre de Şafak Pavey es prima de Deniz Gezmiş, un aktivista politiko turkano de los anyos 60.[15]
Referensias[trocar | trocar el manadero]
- ↑ Safak Pavey bio. Office of the High Commissioner for Human Rights (en lingua inglesa)
- ↑ a b c d International Women of Courage Award Winners. United States Department of State (en lingua inglesa)
- ↑ and News 2012. Embassy of the United States Ankara. (en lingua inglesa)
- ↑ Clinton praises Pavey’s tireless passion, energy. Hürriyet (en lingua inglesa)
- ↑ Şafak Pavey milletvekilliğinden istifa etti. Cumhuriyet(en lingua turka)
- ↑ CITIZEN PAVEY. 3 Quarks Daily (en lingua inglesa)
- ↑ a b Turkish MP overcomes tragedy. Al-Monitor (en lingua inglesa)
- ↑ Refugee worker turns a disability into an advantage. UNHCR (en lingua inglesa)
- ↑ CHP’s Pavey elected to UN committee. Hürriyet (en lingua inglesa)
- ↑ Shirin Ebadi. Refugee Rights in Iran. ISBN 9780863566783 (en lingua inglesa)
- ↑ Firebrand Lawmaker Fights for the Rights of the Disabled. Pulitzer Center on Crisis Reporting (en lingua inglesa)
- ↑ Safak Pavey: Turkey's 'immoral woman' and the fight to wear trousers. The Guardian (en lingua inglesa)
- ↑ Safak Pavey of Turkey selected as one of the 2011 JCI Ten Outstanding Young Persons of the World. Junior Chamber International (en lingua inglesa)
- ↑ Secularist of the Year awarded to Turkish MP, Safak Pavey. NSS (en lingua inglesa)
- ↑ Mukaddes Gezmiş son yolculuğuna uğurlandı. Hürriyet (en lingua turka)