ריליגֿײון

Un artíkolo de la Vikipedya, la ansiklopedya líbera
(Redirijado de ריליג׳ײון)
     


דיסדי איל פּונטו די בֿיסטה די לה אנטרופּולוגֿייה, לה ריליגֿייון איס און סיסטימה; אנסי לו אפירמה (Geertz, 1998: 68) "אונה ריליגֿייון איס: 1) און סיסטימה די סימבולוס קי אוברה פארה 2) איסטאבליסיר ב'יגורוסוס, פּיניטראנטיס אי דוראדירוס איסטאדוס אנימיקוס אי מוטיב'אסייוניס אין לוס אומבריס 3) פורמולאנדו קונסיפּסייוניס די און אורדין גֿיניראל די איגזיסטינסיה אי 4) ריב'יסטיאינדו איסטאס קונסיפּסיוניס קון אונה אוריאולה די איפיקטיב'ידאד טאל קי 5) לוס איסטאדוס די אנימו אי מוטיב'אסייוניס פאריזקאן די און ריאליזמו אוניקו". Geertz, Klifford. לה אינטירפּריטאסייון די לאס קולטוראס. אידיטוריאל גֿידיסה איספאנייה 2003 פּאג 89k.

נו פואידי סיר איטירנה לה דיפיניסיון די לה פּאלאב'רה "ריליגֿייון" קומו לו סיריה אונה אידיה דיל פּלאטוניסמו. סי ריבאגֿאריה איל איסטודיו די לה ריליגֿייון א און רידוקסיוניסמו פייוראטיב'ו. לה ריליג'ייון סי ארטיקולה קון לה לינגויסטיקה אי טודו לו קי קאבי אין לה קולטורה אין טירמינוס טאן ארטיסטיקוס קומו טיקניקוס.

די לה איטימולוג'ייה, דיסי מוריס בלאנשו:

"איסטו קונב'ינסידו די קי לה פּאסיון די לה איטימולוג'ייה קידה ליגאדה א סיאירטו נאטוראליסמו, קומו א לה בושקידה די און סיקריטו אוריג'ינאריו קי יייב'אריה אונה לינגוה פּרימה קוייו אולב'ידו דיג'אריה אינדיסיס די לינגוה א לה לינגוה, אינדיסיס קי אוטורגאריאן א ריקונסטרואירלו" מוריס בלאנשו, "L'ecriture du desastre" פּאריס, גאיימאר, 1980, פ. 183.

אין אוקסידינטי, דיסין אקוררוטו קי לה פּאלאב'רה ריליגֿייון ב'יאיני די לה פּאלאב'רה לאטינה "re-ligare": אוניר די מואיב'ו, ליגאר די מואיב'ו, קלאסיקאמינטי אינטינדידו פארה סיגניפיקאר לה רילאסייון דיל דיר אומאנו אל דיב'ינו אי טאמביאין די לוס אומאנוס אינטרי סי מיסמוס. איסה טראדיסייון אמפּיאיזה קון לאקטאנסיו אי טירטוליאנו. (ב'ייאסי, ז'אקס דיררידה, "Foi et savoir", Points-Seuil, פ. 54.

אוטרה קורריאינטי דוגֿיאירי לה דיגיאינטי איטימולוגֿייה: "ריליגֿירי", מילדאר די מואיב'ו, (קי ב'יאיני די סיסירון) קי פרוסיגי אסטה אימיל בינב'יניסט אי אינטרודוסי לה אידייה די טראנסמיסייון.

אנסי, אין איקסטרימו אורייינטי, אונדי, יייגאנדו לוס מיסיונירוס קריסטיאנוס, אל אימפּיסיגֿו דיל סיייקלו י"ח די לה אירה קומון, לוס קיניזוס טריסלאדארון איל ביאירב'ו ריליגֿייון פּור מידיו די לוס דוס אידיוגראמאס Zhang אי Jiao קי סיגניפיקאן לה אינסינייאנזה די לוס אאידאדוס, פוניאינדו די ריליאיב'י לה טראנסמיסייון די אונה קונוסינסיה אי אינדימאס די ריטוס, די אונה טראדיסייון, די קואלונקי פורמה די אינסינייאנזה ריליג'ייוזה. טכמביאין לוס דג'אפוניזוס קונסטרויירון לה פּאלאב'רה shuukyoo איס דיזיר אינסינייאנזה דיל איסינסיאל, ?פּודריאמוס דיזיר און קאטיקיסמו?

פורטאנטו, סי אינטיאינדי קי סי טראטה מינוס די אונה קונב'יקסייון קוליקטיב'ה או די און סיסטימה די קריאינסיאס קי די אונה אימפּריסה קי אינטינטה אויוג'וסטיפיקאר לה איקסיסטינסיה דיל גרופּו ייאמאנדו א לה אוטורידאד די אונה פואירזה סוב'ריאומאנה.

ריליגֿײוניס דיל מונדו[trocar | trocar el manadero]



Ikono de esbozo
Ikono de esbozo

איסטי ארטיקולו איס אינדאגורה, סולו און איסבוזו.
אמפליאנדולו אײודאראס א אמיזֿוראר בֿיקיפדײה. פואידיס אײוארטי קון לאס בֿיקיפדײאס אין אוטראס לינגואס.