Abdullah Gül

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Abdullah Gül

Abdullah Gül fue el prezidente de la Turkiya entre el 28 de Ogusto de 2007 i el 28 de Ogusto de 2014.

Biografiya

Abdullah Gül nasio en Kayseri, una sivdad ke se topa en el sentro de Anatolia. Gül ambezo ekonomiya en la Universita de Estambol i endemas izo parte de los sus estudios en Londra i Exeter, en el Reyno Unito. Entre los anyos 1983 i 1992 lavoro enel Banko Islamiko para el Dezvelopamyento, en Djidda, Arabia Saudi. En el anyo 1991, Gül fue elejido myembro del parlamento turkano, por el Partido Islamiko del Bienestar. En 1995 fue reelejido i nombrado myembro del komite de liasiones internasionalas del parlamento fina el anyo 2001. Endemas entre los anyos 1996 i 1997 fue el Ministro de Estado i Portaboz del Governo. En el anyo 199 fue elejido otruna vez para el parlamento turkano, ama endagora por el partito "Fazilet Partisi" (FP, "Partito de la Virtud" ) deke el su partido Refah Partisi fue defendido. Este mismo partito fue kitado de la ley enel anyo 2001, deke se apresentava komo un partito islamiko. Ese mismo anyo, los riformistas del partito FP se separaron de los tradisionalos i kriaron el Partido de la Djustisia i el Dezvelopamiento. Enel anyo 2002, Gül fue elejido muevamente por Kayseri. El 24 de Avril de 2007, el su partito lo yamo kandidato para prezidente de la Turkiya; anke muncha djente enel payis tenia sospechas de ke iva trokar el payis en una nasion islamika relijioza.

Komo prezidente de la Turkiya

Afilú el 28 de Ogusto de este anyo fue elejido. En Sietembre de 2008 Gül fue el primer prezidente turkano en vijitar Armenia, lo kualo krio kontroversia i muabetes en el payis. Resientemente el prezidente Gül vijito la Fransia, ande avlo kon el presidente fransez Nicolas Sarkozy de la entrada de la Turkiya a la Union Evropea.

El el 28 de Ogusto de 2014, eskapo su lavoro komo prezidente i fue trokado por Recep Tayyip Erdoğan.