Ayroporto Internasional Ben Gurion
El Ayroporto Internasional Ben Gurion o Ben Gurion Airport (en ebreo נמל התעופה בן גוריון, Namal HaTe'ūfa Ben Gūryōn, en arabo مطار بن غوريون الدولي, maṭār Ben Ghuryon ad-dawlī) istorikamente konosido komo Aeropuerto de Lydda (Lod) i algumas vezes konosido por el su akronimo en ebreo: Natbag (en ebreo נתב"ג), es el mas grande ayroporto internasional de Yisrael[1]. Enel anyo 2008, el ayroporto resivió 11.5 milyones de pasajeros.[2] Se le yamaba Aeropuerto de Lod desde el anyo 1948 asta el anyo 1973, kuando se le troko el su nombre por el del primer Primér Ministro del paez, David Ben Gurion. El Ayroporto es la baza de las ayrolineas yisraelis El Al Israel Airlines, Israir Airlines, Arkia Israel Airlines, i Sun D'Or. Durante la anyada de los 80 i 90, fue una de las bazas de la desaparesida Tower Air.
Las ayrolíneas ke prestan servis enel Ayroporto Ben Gurion uzan tres de las katro terminales de pasajeros ke egzisten. La Terminal 3 se uza para bolos internasionales, la Terminal 1 para bolos rejionales, i la Terminal 2 para bolos de aerolíneas de basho koste. Endemas, el ayroporto tiene tres pistas de aterrizaje i se uzan endjuntamente para operasiones de volos komersiales, privados i militares.
El ayroporto está ubikado serka de la prinsipal otopista entre Yerushalayim i Tel Aviv, la Otopista 1, i es kolay de yegar en arabá o en otobus, deke las entreprisas Egged i Dan Bus ofresen rutas ke yegan al ayroporto. También la Israel Railways presta servis en treno al ayroporto en la Estasion de trénos del Ayroporto Ben Gurion i los taksis también están disponivles. Otra opsión de transporto muy uzada es un taksi-furgoneta kompartido yamado monit sherut.
El Ayroporto Ben Gurion está rekonosido komo uno de los ayroportos má seguros del mundo.[3] La presensia de las huérsas de sekurita en el ayroporto inkluyen a las Huérzas de Defensa Yisraelis i a la polisiya. Los guardias de sekurita andan vistidos tanto de siviles komo uniformados, permitiendo la deteksiyon de un grande número de amenasas. El ayroporto nunka a tinido un avion sekostrado.[4]
Aerolineas ke prestan servis al ayroporto i sivdades servidas
[trocar | trocar el manadero]Todos los bolos domestikos yegan a la Terminal 1, i todos los bolos internasionales yegan a la Terminal 3[5]
|
|
Aerolineas de Karga
[trocar | trocar el manadero]- CAL Cargo Air Lines
- DHL
- El Al Cargo
- FedEx
- Korean Air Cargo
- Royal Jordanian Cargo
- Swiss WorldCargo
- United Parcel Service
Referensias
[trocar | trocar el manadero]- ↑ IAA Israel Airports Authority
- ↑ Ben Gurion Airport Statistics. Israel Airports Authority. http://www.iaa.gov.il/Rashat/en-US/Airports/BenGurion/AbouttheAirport/Statistics/
- ↑ Ben-Gurion International Airport. Britannica Knowledge Systems Inc., a wholly owned subsidiary of Encyclopedia Britannica Inc. «Today, Ben-Gurion is one of the most secure airports in the world»
- ↑ What Israeli security could teach us. Djurnal Boston Globe
- ↑ Israel Airports Authority
- ↑ Thomsonfly launches first low-fare flights to Tel Aviv
