Akre (estado)

Estado do Acre איסטאדו די אקרי Estado de Akre Bandyera Eskudo Situasión de Akre Paiz:  Brasil Entidad: Estado Kapitala: Rio Branco Mayor sivdad: Rio Branco Linguas ofisialas: Portugez. Forma de governo: Estado federal i soberano Shefe de governo: Gladson Cameli Ekstension: 152 581 km2 Povlasion: 758 786 ·Densidad: 0.5 ab/km2 Djentilisio: Akreano Uzo orario: UTC−6 Kodigo ISO: BR-AC Hoja web: http://www.ac.gov.br

Akre es un estado de Brasil, la su kapitala es la sivdad de Rio Branco, forma parte dela rejion norte del paiz, topa al noroeste del paiz enjunta mente kon el estado de Amazonas, es el estado mas oksidental del Brasil, endemas la su frontiera internasionala es kon Bolivia i el Peru.

El territorio de Akre fue parte del territorio boliviano antika mente, fue independizado de Bolivia i fue unido al Brasil en 1902, dempues de varios aharvamientos i gerras.

Etimolojia

El nombre del estado es de orijen indijena, Akre hue anegzado al Brasil enel anyo 1904, i konvertido en estado brasileno en 1962; asegun el biervo de la etimolojia es de orijen tupi a'kir ü i ke signifika "rio vedre" o en la su forma orijinala de a'kir, ande en lingua tupi, ker signifika "deskansar, retozar"; ma esto pode ser serkano a la deformasion del biervo Aquiri, kuando los eksploradores evropeos rezoyaron komo Umákürü, o Uakiry, un biervo del dilekto ipurinã.

Istoria

El territorio de Akre, antikamente formava parte de la Repuvlika de Bolivia deskues de la independensia dela Espanya, estava eskasamente povlado el territorio, era grandemente kovierto de sharas i rios kavdalosos; se dyo akavidamiento a los madereros brasilenos para eksplotar i eksplorar las sharas akreanas, asegun se dize, ke yegaron a ser munchos sivdadanos del Brasil morando en Akre, ke finalmente impugnaron el territorio komo parte de la nasyon brasilena.

En 1899, los bolivianos kon muevas konsesiones territorialas a Brasil intentaron asegurar el control de la zona fondando como kapitala administrativa a Puerto Alonso (oy endia Porto Acre), ma los brasilenos se elevaron en una primera revuelta yamada "Revolución Acreana": el aventurero Luis Gálvez Rodríguez de Arias se autoproklamó "prezidente de la Repúvlika de Akre", intentona ke duró asta marzo de 1900 en las zonas apartadas del territorio ya ke los bolivianos rekuperaron el kontrol de la rejión. En 1902 una egzpedisión prosedente del Amazonas al mando del soldado brasileno José Plácido de Castro y otrunos seringueiros apoyados por Brasil se apropiaron del área de Xapuri i deklararon el 27 de jenero del datado anyo un "Estado Independiente del Acre" para pedir su aneksión al Brasil.

Jeografia

El territorio del estado del Akre kolinda al norte kon el estado de Amazonas, al sud topa kon la Repuvlika de Bolivia (departamento de Pando), al oeste kolinda kon la Repuvlika del Peru (departamentos de Ucayali i Madre de Dios), i al este kon el estado brasileno de Rondônia. El estado es partajado en belediyes, la kapitala es la sivdad de Rio Branco.

Klima

En el estado de Akre ay un klima en kaji todo el territorio; la mayor parte del territorio estatal es shara tropikal kon luvias todo el anyo, la rejion se afama komo la Amazonia.

• Paizajes de Akre
• 
  La Primavera
  La Primavera
• 
  Rio Vichada
  Puerto Carreño
• 
  El Tuparro
  Cumaribo
• 
  Serra do Divisor
  Akre
• 
  Parke Chandless
  Xirapi

Governo i administrasion

Organizasion territoriala

Los belediyes listados son kon la povlasion del anyo 2016:

Belediye	Povlasion	Belediye	Povlasion
1.Río Branco	377.057	12.Marechal Thaumaturgo	17.401
2.Cruzeiro do Sul	82.075	13.Porto Acre	17.111
3.Sena Madureira	42.451	14.Epitaciolândia	17.038
4.Tarauacá	39.427	15.Acrelândia	14.120
5.Feijó	32.372	16.Porto Walter	11.059
6.Brasileia	24.311	17.Capixaba	10.820
7.Senador Guiomard	21.369	18.Bujari	9.503
8.Plácido de Castro	18.336	19.Manoel Urbano	8.765
9.Xapuri	17.894	20.Jordão	7.685
10.Mâncio Lima	17.545	21.Assis Brasil	6.863
11.Rodrigues Alves	17.464	22.Santa Rosa do Purus	6.021

Ver endemas

• Brasil