Atlas de las Linguas del Olam en Perikolo
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Atlas interaktivo UNESCO de las linguas del Mondo en Perikolo (en inglez, UNESCO Interactive Atlas of the World's Languages in Danger) es un dokumento echo por la UNESCO por modre del kualo se espera dar aviso a los politikos, a las komunitas de avlantes i alas nasyones en jeneral ensima de las linguas en perikolo i la emportansia de dar proteksiyon ala diversita linguistika mondiala. Es endemas una ferramenta uzada para dar mirar el estato de las linguas en perikolo i de la diversita linguistika enel mondo.
Istorya
[trocar | trocar el manadero]El atlas, el kualo era publikado por la prima vez enel anyo 1996, tinia 12 ojas kon mapas. La Dosena edisiyon, en 2001, tinia 14 ojas de mapas con 800 linguas. Eenel anyo 2005, la UNESCO dezvelopo un mapa interkativo en la internet del kontinente afrikano, oferiendo detalyo de 100 linguas afrikanas en perikolo ke estavan yamadas en la versiyon de 2001. En Fevrero de 2009 se krio la dosena versiyon del atlas en internet, kon 2498 linguas (230 de las kualas ya desharon de egzistir desde 1950).
De kada una de estas linguas, el atlas indika el nombre, el nivel de perikolo i el payis o payisos ande es avlada. Kon respekto a la versiyon en livro, la versiyon en internet amostra mas informasiyon de kada lingua: numero de avlantes, politikas i prodjektos lisionados, freferensias, kodiches ISO i koordenadas jeografikas.
Klasifikasiyon de las linguas
[trocar | trocar el manadero]Para definit la vitalitad de una lingua, entregando ansina un determinado nivel de perikolo, son konsiderados munchos aspektos, komo por enshemplo el numero de avlantes, la transmisiyon interjenerasiyonala i la egzistensya de medios, entre otros. A partir de esta informasiyon, se toma uno de los 5 nivelos de perikolo markados kon kolores:
- Delikada (blanko): La majorita de los mansevos avlan la lingua, ama puede ser ke seya avlada en la kaza solamente.
- En perikolo (amariyo): Los mansevos ya no ambezan la lingua komo lingua materna en kaza.
- En grande perikolo (portokal): Es avlada por los granpapas; ainda ke la jenerasiyon de los padres la komprende, no la avlan entre eyos ma tampoko kon los ijos.
- En muy grande perikolo (kolorado): Los avlantes mas djovenes son los mansevos, i avlan la lingua poko.
- Amorta (preto): No keda dingun avlante de la lingua. Las linguas en este nivel son amostradas enel atlas si eran amortadas diskues de 1950.
Las linguas konsideradas «asiguradas», o ke son avladas por todas las djenerasiones i la transmisiyon interdjenerasiyonala ainda egziste sin penserio, no son amostradas kon estas kolores. Alkunas de las linguas presentes en el atlas son el aragonezo, el asturiano, el euskera, el gaskon, el oksiitano, el provensal o el algerezo.
Ver endemas
[trocar | trocar el manadero]Bibliografiya
[trocar | trocar el manadero]Atamientos eksternos
[trocar | trocar el manadero]- Atlas UNESCO de las lenguas del mundo en peligro (en lingua kastilyana)
- Mapa de las lenguas del mundo en peligro (en lingua inglesa)
- A methodology for assessing language vitality and endangerment. (en lingua inglesa)
- «Lenguas en peligro» en el sitio web de la UNESCO.
- Proyecto «Idiomas en peligro de extinción» de la Alianza para la diversidad lingüística en colaboración con Google.org. (en lingua kastilyana)