Bey

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Bey (en turko otomano: بك, Beg, Beğ) es un titulo de orijin turko uzado por diferentes governantes arientro del antiko Imperio Otomano. Era endemas el titolo uzado por la monarshia en Tunesia. Komo otros titolos de orijin turko, esta eskrito diskues del nombre de la persona.

Orijinalmente era un titolo ke los turkomanos uzavan para yamar al su shefe i era uzado por el monarka otomano fina 1383, kuando Murad I fue yamado "sultan" en El Kayro. El titolo de "bey" antonses era uzado para yamar a los governantes de las provinsias, munchas de las kualas eran kaji independientes de Estambol, komo por enshemplo, los de Bursa Edirne antes de 1453. Munchos de los beys tenian las sus bandieras apropiadas.

Enel anyo 1705, el monarka de Tunesia empieso a ser yamado "bey". En alkunos lugares, komo Albania, los alkaldes de las sivdades i viyas eran yamados "beg".

El titolo de bey es uzado endemas komo un titolo de onor i respekto. Ya en los diyas del Imperio Otomano era uzado ansina komo en la lingua inglesa es uzado Sir. Diskues de la kriasion de la Repuvlika de Turkiya su uzo es echo komun i pasa a sinyifikar "senyor", kon el buto de ser uzado de modo formal a kualunke ombre.