Budizmo tibetano

Un artíkolo de la Vikipedya, la ansiklopedya líbera
Relijiozo tibetano aprontando una mandala.

El budizmo tibetano aze referensia al budizmo dezvelopado enel Imalaya. Endemas yamado Vahrayāna o budizmo tantriko, es una rama del budizmo kon unos 20 milyones de fiyeles, el 6% de todos los budistos, i endemas es una de las eskolas budistas amijor konosidas en Oksidente.[1]

El budizmo tibetano, budizmo lamaisto o lamaizmo es la reljion de la majorita en Butan, Mongolia, Ladakh (India) i Tibet, ansina komo se topan emportantes menoriyas lamaistas en Sikkim (India), en Nepal i en las rejiones de etnia mongoleza de Rusia komo Buryatia, Kalmukia i Tuva, i en la provensia otonoma de Mongolia Interior (Kina). Esta forma de budizmo es la relijion majoritaria de los puevlos mongolezos i tibetanos, los kualos akseptan al Dalai Lama komo Bodhisattva i por esto lo respektan komo un alto maestro relijiozo, ma anke kada eskola tiene sus apropiados shefes i sistem apropiado de ambezamiento.

Asosiado a este tipo de budizmo aparece la figura del Lama. En la klásika división del budizmo entre relijiozos i no-relijiozos, los lamas tibetanos son una figura emportante no solo relijiozamente ma sosyal politikamente enel Tíbet.

Referensias[trocar | trocar el manadero]

  1. Major Branches of Religions

Ver endemas[trocar | trocar el manadero]

Atamientos eksternos[trocar | trocar el manadero]

Commons Klika akí para ver las imajes de Commons ensima de Budizmo tibetano.