Diya Internasional de la Lingua Madre

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Shaheed Minar, monumento de los kayidos, se topa serka de la Eskola de Medisina de Dhaka, Bangladesh. Fue fraguado en onor a los amortados del Movimento por la Lingua Bengali.

El Diya Internasional de la lingua madre se krió en la UNESCO el 21 de Fevrero de 2000, i es fiestado en esta data kada anyo en los payises ke azen parte de la UNESCO i endemas en las fráguas de la misma, kon el buto de dezvelopar la diversita kulturala i linguistika, endemas del uzo de munchas linguas, espesialmente akeyas linguas en perikolo.

Este diya fue eskojido espesialmente por la akseptasion internasionala del Movimento por la Lingua Bengali fiestado en Bangladesh el Diya del Movimento por la Lingua desde 1952, kuando la polisiya i la armada de Pakistan dechidieron tirar balas en kontro de los avlantes de lingua bengali, los kualos manifestavan sus diritos linguistikos en las kalejas de la sivdad de Dhaka.


Temas del Día internacional de la lengua materna[trocar | trocar el manadero]

Kada anyada el Dia Internasional de la Lingua Madre tiene un tema, el kualo es echo konosido por la UNESCO.[1]

  • 2000, Priméra selebrasion del Diya Internasional de la Lingua Madre
  • 2001, Sigunda selebrasion
  • 2002, Diversita linguistika: 3.000 Linguas en perikolo (slogan: "En la galaksia de linguas, kada biervo es una estreya")
  • 2003, Katrena selebrasion
  • 2004, Ambezamyento de las kreaturas (En la frágua de la UNESCO afilu era topada "una amostra de los livros uzados por las kreaturas en todo el mundo, ansina amostrando el modo enel kualo las kreaturas ambezan a meldar i eskrivir en la eskola"[2])
  • 2005, Eskritura Braille i linguas de sinyos
  • 2006, Las linguas i la internet
  • 2007, La Edukasion multilinguistika
  • 2008, Anyo Internasional de las Linguas
  • 2009, Diezena selebrasion
  • 2010, Anyo Internasional del rankontro de las kulturas
  • 2011, Las teknolojiyas de la informasion i de la komunikasion kon el buto de kudiar i promover las linguas i la diversita linguistika
  • 2012, Ambezamiento de la lingua materna i una edukasion inklusiva

Ver endemas[trocar | trocar el manadero]

Referensias[trocar | trocar el manadero]

  1. UNESCO, "21 February - International Mother Language Day" (en lingua inglesa)
  2. UNESCO, "International Mother Language Day 2004"

Atamientos eksternos[trocar | trocar el manadero]