El Princhipiko

El Princhipiko (en fransez: Le Petit Prince), publikado el 6 de avril de 1943, es la istoria kurta mas konosida del eskritor i bolador de aviones fransez Antoine de Saint-Exupéry. Saint-Exupéry eskrivió esta ovra kuando kedó en un otel de Mueva York i yegó a ser publikado por la prima vez en los Estatos Unitos d'Amerika. Egzisten tresladasiones de este livro a mas de 180 linguas i lashones, koza ke aze de El Princhipiko una de las ovras mas konosidas de la Literatura Universala.

Esta konsiderado una ovra para ninyos, por modre de la forma komo esta eskrito i por la istorya simple, ama es una ovra metaforika en la kuala se avlan del senso de la vida, la amistad i el amor.