Esnoga Cymbalista

Un artíkolo de la Vikipedya, la ansiklopedya líbera
La Esnoga Cymbalista

La Esnoga Cymbalista i Sentro de la Erensia Djudia (en ivrit בית הכנסת והמרכז למורשת היהדות ע"ש צימבליסטה) es la esnoga prinsipala de la Universita de Tel Aviv i endemas un sentro kulturalo para la proteksiyon de la erensia djudia ubikada en la sivdad de Tel Aviv. La esnoga deve el su nombre a los suisos Paulette i Norbert Cymbalista, los kualos enkargaron el desinyo de la esnoga al arkitekto suiso Mario Botta, el kualo la desinyó enel anyo 1996.

La Esnoga[trocar | trocar el manadero]

La esnoga fue fraguada enel anyo 1998. Desde la parte de ahuéra, la frágua parese dos tubos echos kon tuglos trayidos de Asia. Los dos tubos kresen desde las sus bazas katradas, las kualas son las kamaretas komunes, La frágua de la esnoga tiene dos kamaretas separadas en la entrada, la kuala kria una bipolaritá entre la kamereta para meldar ke mira asya el Oryente i el Bet Midrash ke mira asya el Oksidente.


El Aron Akodesh esta entornado por un aníyo de alabastro, el kualo trae luz a la kamareta, kriando una imajen de kedusha i de la luz de El Dio alderredor del Aron Akodesh. Ensima de la esnoga egziste alko paresido a una hupá, la kuala trae luz[1] , endemas de la inskripsiyon kon un pasuk de la Tora, la kuala dize "שויתי יהוה לנגדי תמיד" o en inglez, "Yo iva poner a El Dio siempre antes ke yo" de Teilim 16:8.[2]. Esta esnoga fue desinyada i fraguada kuando munchos arkitektos famozos estaban desinyando fráguas emportantes en Israel.[3]


Referensias[trocar | trocar el manadero]

  1. Layla Dawson, Defining Jewish identity, Architectural Review, June 2005.
  2. Psalms Chapter 16
  3. Esther Hecht, Building Israel, Hadassah Magazine, December 2004 Vol. 86 No.4

Ver endemas[trocar | trocar el manadero]

Commons Wikimedia Commons alberga kontenido multimedia sovre Esnoga Cymbalista