Esnoga Neve Shalom (Estambol)

Un artíkolo de la Vikipedya, la ansiklopedya líbera
Ir a la navegación Ir a la búsqueda
La Esnoga Neve Shalom

La Esnoga Neve Shalom, (en turkano Neve Şalom Sinagogu, en ivrit בית הכנסת נווה שלום, "Valey de Paz") es una esnoga ubikada en la máale de Galata de la sivdad de Istanbul, en la Turkiya. La esnoga se ankontra en la kaleja Büyük Hendek Caddesi 61.

Kuando la povlasiyon djudia en las máales de Pera i Galata (las kualas oy endia konforman la máale de Beyoğlu) empiesó a kreser en las anyadas 1930s, se destruyo una eskuela primaria djudia enel anyo 1949 para fraguar una mueva esnoga, la kuala fue akabada enel anyo 1951. Los arkitektos fueron Elio Ventura i Bernar Motola, dos mansevos djudios turkanos. El aperturamyénto fue el Alhad 25 de Marso (17 de Adar de 5711 en el Kalendario Djudio) kon la presensia del antonses Rabino Shefe de la Turkiya, el Haham Bashi Rafael Saban. La Esnoga Neve Shalom es la prinsipal i la má grande esnoga en Istanbul, avyerta para meldar espesialmente en Shabat, en los hagim, para Bar Mitsvot, kazamyéntos i funerales.

La esnoga Neve Shalom sufriyó tres atakos terroristas, uno el 6 de Septiembro del anyo 1986, enel kualo 22 djudios turkanos fueron amortados; uno el 1 de Marso de 1992, el kualo fue un atako kon oto-bomba i no deshó amortamyéntos shukur al Dio i el má resiente el 15 de Noviembro del anyo 2003, el kualo fue uno de los katro atakos kon oto-bomba en Istanbul.[1]

Ver endemás[trocar | trocar el manadero]

Referensias[trocar | trocar el manadero]

  1. Neve Şalom'a ilk saldırı değil (Not the first attack on Neve Shalom

Enlasos Eksternos[trocar | trocar el manadero]