Esnoga de Sarajevo

de Vikipedya, la ansiklopedya líbera
Saltar a: navigación, buxcar
La Esnoga de Sarajevo

La Esnoga de Sarajevo, (en lingua bosnia Sinagoga u Sarajevu) es la unika esnoga ke fonksiona oy endiya en la sivdad de Sarajevo. Fue fraguada enel anyo 1902, en la beira sud del rio Miljacka.

Istorya[trocar | editar código]

Se konose de una esnoga sefardi yamada Sijavuš-pašina daira o Velika avlija, fraguada enel anyo 1581 shukur ala kontribusiyon del beglerbeg Sijamuš-paša, el kualo deseyó ayudar akeyos myémbros proves de la komunita djudia de Sarajevo. Ala fin del syéklo XVI, la frágua era la priméra esnoga de la sivdad. La frágua fue kemada en los anyos 1679 i 1778, ma kada vez fue rekonstruyida. Endagora oy fonksiona komo un muzeyo djudio. Al lado de eya se topa la Mueva Esnoga (Novi Hram), la kuala es uzada komo una galeriya de arte de la Komunita djudia de Sarajevo. Enel anyo 1932 fue aperturada Il Kal Grande, konosida komo la esnoga mas grande i ornada de todos los Balkanes, ma fue destruyida por los Nazis enel anyo 1941. [1]

Los djudios ashkenazis arrivaron a Sarajevo kon el Imperio Ostro-Ungario a finales del syéklo XIX. En 1902, el arkitekto Karl Pařik, desinyó una esnoga para la komunita ashkenazi, en estil Moro, kon munchos ornamyentos. Esta esnoga tiene grandes arkos i dekorados. El techo alto de la esnoga esta adornado kon una estreya de 10 puntas. Ala entrada, una menora de piedra aze memoria al 400eno aniversário de los djudios en Bosnia i Hersegovina.


Referensias[trocar | editar código]

  1. The Virtual Jewish History Tour - Sarajevo

Ver endemas[trocar | editar código]

Atamientos eksternos[trocar | editar código]

Commons-logo.svg
Klika akí para ver las imajes de Commons ensima de Esnoga de Sarajevo.