Esnoga de la kaleja Dóhany

Un artíkolo de la Vikipedya, la ansiklopedya líbera
La Esnoga

La Esnoga de la kaleja Dóhany o tambien konosida komo la 'Gran Esnoga de Budapest', en ungario Dohány utcai Zsinagóga/Nagy Zsinagóga, en ivrit 'בית הכנסת הגדול של בודפשט, tambien yamada la Esnoga de Tabakgasse, eata ubikada en la máale de Erzsebetváros, el distrito syetimo de Budapest. Es la esnoga má grande de Evropa i la sigunda má grande de todo el mundo[1], dempues de la Keilá Emanu-El de Mueva York. [2]. En eya kaben 3.000 personas i es uno de los sentros prinsipales del djudaismo Neolog. La frágua tiene 75 metros de lungeza i 27metros de ancho[3] i fue konstruyida entre los anyos 1854 i 1859 enel estil del Renasimyento Morisko[4] , bazada en fráguas de esnogas del Maghreb i Espanya (la Alhambra),[5]. El arkitekto el kualo la desinyó fue Ludwig Förster, i parte del interior de la frágua es de Frigyes Fesz.

La kaza ande nasió Theodor Herzl estaba al lado de la Esnoga de la Kaleja Dóhany. En su lar se ankontra oy endia el Muzeyo Djudio, el kualo tiene la "Koleksiyon Istorika y Relijioza Djudia", la kuala fue fraguada enel anyo 1930 de akódro kon el estil de la esnoga i la kuala fue unida a la frágua prinsipala enel anyo 1931.

Istorya[trocar | trocar el manadero]

Fraguada entre los anyos 1854 i 1859 por la komunita Neolog de Pest i de akódro kon los planos de Ludwig Förster[6], la esnoga tiene una kapachitá de 2964 butakos (1492 para ombres i 1472 en la galeriya de mujeres) lo kualo la aze la má grande esnoga de Evropa. La esnoga fue konsagrada el 6 de Septiembro de 1859. A la esnoga orijinala le lansó bombas el Pro-Nazi Partito de la Kruz de Flechas el 3 de Fevrero de 1939[7]. Uzada komo baza por la Radio Almana i endemas komo establo durante la Sigonda Gerra Mondial, la frágua sufrió danyos severos déke los atakos aereos durane la okupasiyon Nazi, má espesialmente durante el Akoso a Budapest. Kuando los komunistas tomaron el poder i kontrolo del paez, la esnoga volvió a ser un sentro para meldar de la endagora chika komunita djudia. La su remuevasiyon empiesó enel anyo 1991.

Eksterior[trocar | trocar el manadero]

Vista aerea de la esnoga Dóhany Utca

La esnoga fue orijinalmente fraguada en una máale residensiala. El kondjunto de fráguas de la esnoga inlkui la Gran Esnoga, el Muzeyo djudio, el Templo de los Eroes, El Betahayim i el moumento en arikódro al Olokósto

Gran Esnoga[trocar | trocar el manadero]

La frágua de la esnoga tiene má de 53 detros de lungesa i kaji 27 metros de ancho. El estil de la esnoga es Morisko, i endemas tiene enfluensias de Bizansio, estil Romantiko i ainda Gotiko enel su desinyo. La esnoga endemas tiene dos domos kon forma de sibulet en la punta de las dos kulás kon baza oktogonalas de 43 metros de altesa. La entrada de la frágua tiene una rosa de vitralos.

Muzeyo djudio[trocar | trocar el manadero]

El Muzeyo djudio fue fraguádo enel lar ande estaba la kaza de Theodor Herzl, al lado de la esnoga[8]. El Muzeyo, el kualo fue fraguado entre 1930 i 1931 tiene endemás una koleksiyon de relikias relijiozas de la Hevrá Kadishá de Pest, obdjektos ritualos para shabat i hagim i una kamareta dedikada al Olokósto.

El Templo de los Eroes[trocar | trocar el manadero]

El Templo de los Eroes tiene una kapachitá de 250 personas i es uzado para meldar los diyas de la settimana i durante el envierno, fue adisionado al grupo de fráguas de la Esnoga de la Kaleja Dóhany enel anyo 1931. El Templo fue desinyado por Lázlo Vágó i Ferenc Faragó, endemas sirve de monumento en onor a los djudios de makaristan ke fueron amortados durante la Sigunda Gerra Mondial.

El betahayim

Betahayim (Sementario)[trocar | trocar el manadero]

El betahayim esta ubikado atras del Templo de los Eroes, entre el Muzeyo Djudio i la Esnoga. Asigun la tradisiyon, un betehayim no puede egzistir serka de un sitio para meldar. Má este betahayim nasio komo resultato de los evenementos ke akontesieron durane la Sigunda Gerra Mondial. Enel anyo 1944, la esnoga era parte del geto de la sivdad i endemas era arifujio para mncha djente. Má de dos mil djudios murieron de ambre i friyo durante el envierno de 1944-1945 estan entyerrados en el kortijo de la esnoga.

El monumento en onor a los martiros djudios ungarios (Imre Vargá, 1989)

Parko Raoul Wallenberg[trocar | trocar el manadero]

El Raoul Wallenberg Emlékpark (Parko Raoul Wallenberg) en el kortijo sentralo, kontiene el "Monumento en Memoria a los Martiros Djudios Ungarios" — Se kalkula ke unos 400.000 djudios de Makaristan fueron amortados por los Nazis[9]. Desinyado por Imre Vargá, parese ser un sausiko yorón, el kualo tiene ojas kon los nombres de los amortados. Endemas esta un monumento en memoria a Wallenber i a otros Grandes entre las Nasiones, komo el viche-konsul de Suisa Carl Lutz, el kualo salvo la vida de dezenas de miles de djudios de Makaristan durante la Sigunda Gerra Mondial.

Interior[trocar | trocar el manadero]

De manera paresia a las basilikas (Grándes kilisias kristyánas), la frágua konsiste en tres espasiosas galeriyas muy ornatas i, koza poko komun en una esnoga, un organo. El su Aron Akodesh tiene varios Livros de la Tora tomados de otras esnogas ke fueron destruyidas durante el Olokósto. El Aron Akodesh i las pinturas internas estan echas de formas yenas de kolores i kon formas jeometrikas, desinyadas por el arkitekto Frigyes Feszl. Las butakas en el piso de abasho son las de los ombres, mientras ke en la galeriya superior, la kuala esta soportada por bazas de azero ornato, es para las mujeres. Franz Liszt i Camille Saint-Saëns tokaron enel organo orijinalo de 5.000 tubos, fabrikato enel anyo 1859[10]. Enel anyo 1996 se fabrikó un muevo organo mekaniko de 4 manuales i 63 vozes, konstruyido por la entreprisa almana Jehmlich Orgelbau Dresden GmbH[11].

Remuevasiyon[trocar | trocar el manadero]

Sólo en la anyada de los 90, dempues del ritorno de la demokrasia a Ungaria se empiesaron las lavores de remuevasiyon de la esnoga. La bilyonaria amerikana de orijín djudeo-ungario Estée Lauder aportó 5 milyones de dolares amerikanos para remuevas la esnoga[12]) i las lavores akabaron enel anyo 1996.[13]

Kuriozitá[trocar | trocar el manadero]

Dohány signifika tabako en ungario. Theodor Herzl, en los sus diskorsos[14] i endemás la Ansiklopedia Djudia yamaban a la Esnoga de la Kaleja Dóhany komo la Esnoga de la Tabakgasse. Endemás, la Esnoga de la kaleja Dohány es konosida por el su nombre en idish, Tabac-Shul, el kualo es la traduksiyon al idish de la palavra "Dóhany".

Referensias[trocar | trocar el manadero]

  1. Out of Darkness, New Life. The New York Times
  2. Dohány Synagogue. The New York Times
  3. Frojimovics, Kinga; Komoróczy, Géza; Pusztai, Viktória and Strbik, Andrea (1999). Jewish Budapest: Memories, Rites, History. Central European University Press. ISBN 963-9116-37-8, p. 111.
  4. Moorish Style: Orientalism, the Jews, and Synagogue Architecture. Ivan Davidson Kalmar. Jewish Social Studies History Culture and Society. Volume 7
  5. Mendelsohn, Ezra (2002). Painting a People: Maurycy Gottlieb and Jewish Art. UPNE. ISBN 1-58465-179-2, p. 90.
  6. The shul that survived Eichman's 'Final Solution' and made a comeback
  7. Frank, Tobor (2003). Discussing Hitler: Advisors of U.S. Diplomacy in Central Europe 1934-1941. Central European University Press. ISBN 963-9241-56-3, p. 225.
  8. Theodor Herzl:An Autobiography. London Jewish Chronicle
  9. Rosen, Ilana (2004). Hungarian Jewish Women Survivors Remember the Holocaust. University Press of America, ISBN 0-7618-2704-8, p.3.
  10. Perlman, Robert (1991). Bridging Three Worlds: Hungarian-Jewish Americans, 1848-1914. University of Massachusetts Press. ISBN 0-87023-468-4, p. 72.
  11. Organ of the Budapest Synagogue. Jehmlich Orgelbau Dresden GmbH
  12. Mars, Leonard (2003). Jewish Identity in Contemporary Hungary. Acta Ethnographica Hungarica, 48(1-2), 35-48.
  13. Troen, Selwyn (1998). Jewish Centers and Peripheries: Europe: Between America and Israel. Fifty Years After World War II. Transaction Publishers, ISBN 1-56000-373-1, p. 135.
  14. Herzl Speaks: His Mind on Issues, Events and Men. Herzl Institute Pamphlet. Volume=16


Galeriya[trocar | trocar el manadero]

Ver endemas[trocar | trocar el manadero]

Enlasos eksternos[trocar | trocar el manadero]